Djedji kria EPIF na 91 pa prenxi un lacuna gravi na area di formason desportiva na Cabo Verde. Futebolistas cabo-verdianos tinha don y talento pa futebol
DJEDJI , THE PROFESSOR...
Si Cabo Verde ê hoje numero 2 di Africa na futebol ê debel tambe a es cabo-verdiano: José Maria Lobo, + conxidu pa prufesor Djedji. Pa si scolas di futebol passa kuazi metadi di atual titulares di seleson nacional . Ryan Mendes, Kuca, Babanco, Stopira, Zé Luis, Gégé y Platiny ê so alguns di kes txeu “internacional” cabo-verdiano ki dezenvolvi ses talento na Escola de Preparação Integral de Futebol (EPIF) di prufesor Djedji.
Djedji kria EPIF na 91 pa prenxi un lacuna gravi na area di formason desportiva na Cabo Verde. Futebolistas cabo-verdianos tinha don y talento pa futebol, mas es ka ta dominaba técnicas y taticas di futebol moderno ( es lacuna na formason tinha reflexo negativo na seleson nacional ki ta jugaba pa evita goliada).
Djedji “pega” na crianças di 10/11 anu y ku paxenxa y determinason ê kumesa ta enxinaz kes técnicas-bazi di futebol. Sen apoio, ta luta diáriamenti ku obstáculos y dificuldades ( nen comunicason social ka djuda divulga es prujetu) Djedi consigui kria scolas di futebol na Praia y na Mindelo ku ramificasons na alguns otu ilhas di Cabo Verde y hoje 20 y tal anu dipos rezultadu sta a vista : E un gerason di jovens futebolistas preparadus non só pa pratica di futebol di alto rendimento mas tambe preparados pa vida.
SCOLA DI VIDA
Sima nome ta indica EPIF ê un scola integral, ê un scola di vida ki ta educa y prepara crianças y adolescentes pa un vida digno, longi di vicios e de delinquencia. Importante talvez nen ê ka prepara atletas pa “brilha” na altas esferas di futebol mundial. Importante e prepara criancas y adolescentes pa un vida organizadu y saudavel ki so pratica di desporto podi proporciona.
Ku si equipas di futebol feminino EPIF també ta kontribui pa igualdade de genero na Cabo Verde, pa mostra ma a-final meninas ten mesmu talentu ki rapazis pa pratica di desporto ( Djedji teni meninas na equipas grandi di europa moda Olimpique de Marseille, Nice e Auxerre na França sen konta ku Sheila ki juga na Barcelona di Spanha)
Mas inda ten txeu pa fazi na area de futebol na Cabo Verde ( quenha ki fla futebol ta fla també kes otus modalidade ).
Djedji ti inda sta luta pa kriason di campeonatos di camada jovens ( Junior, juvenil, iniciadus y infantil) y pa spadja si prujetu di formason pa tudu Cabo Verde.
Djedji nunca ka kobra Cabo Verde un tiston pa jugadores ki ê forma y ki ta juga na seleson di Cabo Verde . Empresarios y equipas ki e ta “fornece” jugadores també nunca ka dal nen un bola ou un par di bota pa djuda na treinos. Djedji ka kré tra ninhun dividendo di si trabadjo, mas e kre pelo menus pa si esforsu ser reconhecido. fonte:ok
COMMENTS