Forças Armadas garanti transporte pa aluno deficiente ki irmon ta carregaba pa leba scola

Cazu di Dany dja ten un soluson, pelo menus provisório. Desdi semana passadu ê sta lebadu scola nun viatura ki Forças Armadas disponibiliza.

Forças Armadas garanti transporte pa aluno deficiente ki irmon ta carregaba pa leba scola
Y PA KES OTUS CRIANÇAS DEFICIENTES?
Pamodi na Cabo Verde ê ka so Dany ki ten dificuldadi na bai scola, ten centenas di otu crianças deficientes spadjadus pa es 9 ilhas ki ten prublema na tchiga scola pamodi falta di transporte apropriadu ( Alguns nen ka ta bai). Di facto sima na cazu di Dany ki passa txeu anos “invizivel” ti ki si stória foi divulgadu li na Onda Kriola, sima na cazu di Dany ten tcheu otu crianças portadoris di deficiencia fisico ou mental ki kontinua na anonimato. Ten certamente txeu otus “heroi anónimos” sima si irmon ki ta karregaba el pa leba scola.

Cazu di Dany dja ten un soluson, pelo menus provisório. Desdi semana passadu ê sta lebadu scola nun viatura ki Forças Armadas disponibiliza. Ministério di Educason y Instituto Cabo-verdiano de Menores e Adolescentes fica + un bes fora di debate. Es perdi un oportunidade unico di fazi un levantamento ou un estudo estatistico di tudo criancas ku deficiencia na CV y di elabora un planu integradu pa djudaz.

Ê PROPI AUTORIDADES KI TA DISCRIMINA......
Crianças ten direitos, direitos ki sta ben especificadus na Lei. Ora ki ta squecedu di un criança ku deficiencia kel la ta tchomadu discriminason. DISCRIMINASON DIRETU. Ora ki ka ta agidu por negligencia ou por falta di vontade politica kel la tambe ê discriminaon. DISCRIMINASON INDIRETU. Infelizmenti ê cuza ki ta odjadu tudu dia nes terra undi ten txeu criancas marginalizadu y discriminadu so pamodi es naci ku determinadu incapacidade ou es ben torna deficiente nun determinadu etapa di ses vida.
Na realidade ten txeu “Dany” spadjadu pa es Cabo Verde. Prublema ê ki es ka kré odjadu. fonte:ok