TACV kontrata novu diretor comercial pa substitui Arik De

Inglez Tim Lee-Foster, é ta ben ten un salario di 6 mil euros mensal (662 konto) ku tudu dispeza pago. Konsultores ten un salario di 4.500 euros (496 kontu)

TACV kontrata novu diretor comercial pa substitui Arik De
Ê INGLEZ TIM LEE-FOSTER...
Ê propri Foster ki na si páginas na rede social ta anuncia kontratason y ta “kongratula” ku si chegada a Cabo Verde pa assumi direson comercial di TACV Airlines.
Desconhecido na Cabo Verde, Tim Lee-Foster ta aprezenta si cabeça como engenheiro di formason ku un “vasto “background” comercial y financeiro. Antis di “aterra” na Cabo Verde ê stevi ou ê sta ligadu a Fastjet, un transportadora aérea pan-africana de baixo custo ki ta opera a-partir di Zimbabwe y Tanzania.

Mas aparentimenti ê ka so si curriculo ki leba PCA di TACV João Pereira Silva a “riquizita” si serviços. Segundo informasons el ê amigo pessoal di Arik De ki indical a TACV pa substituil nes cargo enkuanto el, Arik De, kontinua ta recebi si salário na Canada na qualidade di “adviser” (conselheiro) di TACV.

KUAL Ê SALÁRIO DI MISTER FOSTER?
Ê ka so si salário, ê tambe salário di + 2 konsultores ki Tim Lee-Foster trazi kol. Segundo informasons ki ka foi konfirmadu pa TACV senhor Foster ten un salario di 6 mil euros mensal (662 konto) ku tudu dispeza pago. Konsultores ten un salario di 4.500 euros (496 kontu). Kontratu ê di un ano.

Kenha ki ka fica contente ku es novos kontratason ê certos quadros di TACV ki ta konsidera es ordenados elevadu subretudo nun altura ki TACV sta enfrenta sérios prublemas di tesouraria. Mas sima Foster poi na facebook ê sta na Cabo Verde pa “stick together”, medo ê si e ben fazi mesmu asnera ki Arik De. fonte:ok