Txeu jovens Cabo-verdianos na Merka sta uza desporto pa entra na colegio

Na Merka Edmsilson kumesa ta juga como difeza mas ê “tranzita” ku sucesu pa meio-campo undi si técnica e velocidade transformal nun jugador de elite

Txeu jovens cabo-verdianos na Merka sta uza desporto pa entra na colegio
“ARMA” DI EDMILSON CENTEIO E BOLA NA PĖ..
Edmilson, 18 ano, naci na Fogo mas ku 13 ano ê imigra pa Merka pa riuni ku familia. Na babagen ê trazi sonhos di criança, mas ê trazi tambe un reconhecidu talento pa futebol ki ê ten stadu ta mostra na equipa de Liceu Técnico di cidade di New Bedford (New Bedford Regional Vocational Technical High School).
Na Merka Edmsilson kumesa ta juga como difeza mas ê “tranzita” ku sucesu pa meio-campo undi si técnica e velocidade transformal nun jugador de elite kubisadu pa txeu colégios y universidades. Ėpoca passadu ê marka 7 golos y e fazi 15 assistencia , un prestason ki balel entrada na “Super Team” y titulo di “All Star” pa segundu ano konsecutivo na South Coast Conference.

Edmilson sta na ultimo ano di Liceu. Ê fla ma si objetivo ê entra colegio tras di un diploma superior pa na futuro ê podi ben djuda si familia, sobretudo si mai ki ê fla ma ta sacrifica.
Pa Edmilson futebol ê si “grandi arma” pa entra na colegio ou na Universidade. Ê kre apruveita es chance ki Liga Universitaria na Merka ta da atletas pa koncilia studu ku pratica de desporto atraves di atribuison di un bolsa de estudo ki al-ves ka ta sta ao alcance di tudu familias ( un ano na colegio na Merka ta sai pa 10 mil dolar ou + ). E pa ganha es bolsa de estudo ki pa alen di “aplica” na studu Edmilson tambe ta “aplica” na futebol. fonte:ok