Portugal: Caboverdianos morre dentu casa ki pega lume na Cova da Moura

Segundo informason ki divulgado, motivo de incendio ki provoka fumo ki mata es homi ku es mudjer de nome, Manuel Faustino e Júlia Santos, foi um vela ki staba sendedu ki pega lume na lixo ki kel casal li tinha ti tecto, dentu ses casa.

Durante incendio, kes txeu kusas ki staba dentu casa, tambe ka dexa vizinhos entra pa salva casal. Homi ku mudker, de 74 e 72 anu, ta moraba na um casa sem eletricidade e  cheio de sacos(bolsa de plastico), ropas e txeu otrus kusas.

Um vizinha de 55 anu fika intoxikadu ku fumo, kantu è sta tentaba salva casal. Vizinha Maria Rodrigues, fla: “Dja ten txeu anu ki nu sta tenta apoia casal pa kompu ses casa e pa faze um limpeza. Mas nunca n ka konsigui entra la, pamodi es ka ta dexaba. Até es poi txeu sacos na porta pa ninguém ka entra.”

Caboverdiano Manuel Faustino ta tabadjaba na construson civil (na obra) e dje staba kantu anu doente. Júlia Santos ta trabadjaba na faze limpeza na prédios.
Um des ki tinha kel hàbito li de guarda lixo dentru casa. Kel habito li ta fladu:‘colecionador de lixo’. Keli è um vicio ki alguns alguen ten, ki es ka ta bota kusas fora, es ta guarda atè lixo ki ka ta sirbi pa nada.

Kusas era tantu dentu kel casa ki Mário Conde, comandante de bomberus de Amadora, fla:”Entre tecto ku montanha de lixo, tinha so meio metro.” Inda è xplika ma kantu bomberu txiga na local, dificuldade foi na entra. Pamodi ku tudu lixo ki staba la, portas ku janelas staba ka ta da pa abri.

Dipos de incendio, tradu pa fora de casa cinco carro ku lixo. Proteção Civil de Amadora afirma ma nunka es ka alertado sobre modi ki es casal sta viveba.

Casal ten 2 fidju grande, gosi Policia Judiciaria sta investiga es kazu. fonte:Correio da Manha, dypk