Governo di Portugal anuncia ma ê sta ben dexa di expulsa “criminosos” pa Cabo Verde
“Aqui” ê Portugal, un paiz ki na ultimos anos ten deportadu cidadons cabo-verdianos rezidentes ou nascidos na Portugal di un forma ki txeu juristas ta konsidera dezumanu y ki ta leza Direitos Humanos.
Ê pa kalma es criticos di es kruel sistema de deportason ki Antonio Costa, primero-ministro di Portugal, anuncia es sexta-fera ma dentu en breve “o Estado português vai acabar com a prática de expulsar para Cabo Verde cidadãos da comunidade cabo-verdiana residentes no país que cometam crimes em território nacional”.
Antonio Costa anuncia es decizon na final di un reunion ku priemero ministro di Cabo Verde Ulisses Correia e Silva ki sta na Portugal na si primeru vizita oficial.
Costa ate ta reconheci ma ê dezumanu es forma modi ki Portugal sta expulsa cidadons cabo-verdianos ki kumeti crime na Portugal y ê ta acrescenta :
“Não podemos transferir problemas gerados por uma comunidade para um país irmão. Nesta relação de fraternidade, entendemos que, se os crimes são cometidos em Portugal, as penas também devem ser cumpridas em Portugal ...Iremos resolver essa situação tão breve quanto possível".
Costa ka ta avansa data, mas tambe ê certo ki es decizon ka ta dipende del só : Primeru ten ki mudadu na Parlamento Portuguez un lei ki nes mumento ta pirmiti ti expulson di kriolus nascidos na Portugal mesmo si es ten ki dexa pa tras familia y fidjus pa sustenta.
KONFUZU
Anuncio di Antonio Costa tambe ê konfuzu.
Ê ka ta esclarece si dipos di kumpri pena es “criminosos” ta fica na Portugal ou si simplismenti es ta recambiadu pa Cabo Verde.
Tambe ka sabedu si Ulisses Correia ê Silva perguntal si es medida ki e kre ben toma ta inclui kes “expulsões administrativas” ( ki ka ta passa nen pa crivo di Tribunal nen pa cadeia.) Di facto 65% di deportason di cidadons cabo-verdianos na Portugal e dicididu pa Serviço de Estrangeiros e Fronteiras (SEF) y txeu ki ta deportadu ka kometi ninhun crime a non ser falta di documento ( ki juridamenti é ka krimi)
Dipos ..
Dipos e ka so cabo-verdianos, ten imigrantes di otu paizes ki Portugal també ta expulsa... Es medida di Antonio Costa ta abrangi tudu imigrantes ou ê so pa cabo-verdianos? ....
Es noticia ki bu ta ben odja destacadu na jornal e di facto "enganador" ( Maioria de deportados ê ka kriminozus y maioria di “kriminozus” geralmenti ta kumpri ses pena antis di repatriadu pa CV ) .
Ê sima kel otu anuncio ki es mesmo Antonio Costa fazi a tempos ma cabo-verdianos ta passa ta entra na Portugal sen visto ( Livre Circulaçăo de Pessoas).
Ê spera pa odja ... fonte:ok
COMMENTS