França: Caboverdiano atxadu mortu na rio

Mas um Caboverdiano ki atxadu mortu na França, Nelito staba desaparecido desde dia 16 de Julho

Luis Tavares Garcia tambe konxedu pa “Nelito cudéca”, era natural de Serra Malagueta (ilha Santiago), é ta moraba na cidade frances ki txoma Provins.

Nelito desaparece na França na dia 16 de Julho de 2016. Na dia 14 des mes de Setembro, familia de Nelito recebe noticia ma é atxadu morto na um rio ki ta fika pertu de Paris na cidade de Torcy.

Autoridades dja atxaba korpu na més de Julho na kel mesmo altura kantu Nelito desapareceba, só ki como é ka tinha ninhum identificason ku el, es ka konsigui identifica korpu é de kenha. Na altura kantu atxadu korpu, Policia convoca irmon mas grande de Nelito, pa é bai reconhece cadáver, mas si irmon ka konsigui confirma ma korpu era de Nelito. Policia continua ku investigason, familias e amigos, divulgaba desaparecimento na DYPK e es continua na buscal ku esperança ma es ta atxal vivo.

Dipos de faze teste de DNA, na dia 14 des més de Setembro, autoridades confirma ma kel korpu ki es atxaba na Julho é mesmo Nelito.

Nelito tinha 36 ano e é decha dos minino. Funeral sta marcado pa próximu quinta fera dia 29. fonte:dypk