França: Voz y rostu kriolu na maior kanal di televizon di Europa Continental

Pa Tatiana Cabo Verde é ka so terra di si mai ku si pai... Cabo Verde ê tambe si terra. E pur issu ki ê ten orgulho na divulgal

“EMBAIXADORA” TATIANA SILVA Ê NOVA “MISS METEÔ” DI CANAL FRANCEZ TF1...
Grupo TF1 bai buscal na Radio Televizon Belga (RTBF) pa substitui ses queridissima Catherine Laborde ki mes pasadu dispidi de telespetadoris francez dipos di 28 anos ta ‘entra” tudu noti na ses caza ku informason y previzon di tempu.

Pa TF1 ka era facil substitui ses antiga “coqueluche” mas na noticia ki es divulga es ta fla ma “substituta” ka podia ser midjor... Es ta acrescenta ma “sublime” Tatiana Silva ki foi Miss Belgica 2005 konsigui konvencez ku si profesionalismu, si entusiasmo, si motivason y ku forma kumu ê ta kativa publico.

Portantu e oficial :
A-partir di 1 di Marsu Tatiana Silva Braga Tavares, 32 anos, ta passa ta entra na caza di uns 4 a 5 milhons di francezis komu co-aprezentadora di boletim metereológico di kel canal di telivizon ku + audiência na França y na Europa Continental.

Pa Tatiana ê un pasu importanti na si carrera di aprezentadora de metereologia.
Pa tras ta fika Radio Televizon Belga ( embora ê ta kontinua ta participa komu jornalista y animadora) mas pa tras ta fika tambê TV5 Monde y M6 undi na 2013 ê kumesa si karrera di aprezentadora di meterologia .

Fidju di cabo-verdianos nascidu na Belgica ( si mai ku pai e di ilha di santiago) Tatiana pa alén di aprezentadora di TV ê tambe modelo y Embaixadora di Boa Vontade di UNESCO undi e ten fetu un excelenti trabadju a-favor di kriansas desfarecidas di Africa.... Ê nes kualidadi ki kantu bes dja ê vizita Cabo Verde undi e ten siguidu di pertu alguns aldeias SOS .
Mas Tatiana ê tambe ê un verdaderu embaixadora di kultura di Cabo Verde na Europa sima bu podi odja na video.

Tatiana Silva na canal francez TV5 Monde... A-partir di mes di Marsu audencia ê mutu maior.
comenta