"Mas midjor fica bo so du ki ku alguem ki ca ta aceitou" - Dezabafo de un Criola

Ser bo é de graça, bo é gorda mas acredita abo é bunita e maravilhsa, bo é alta ou baixa pobre ou rico mas é dento bo ki é bo.

Hoje n prende ma nos é kel ki nu é, kel ki Deus fazenu, ka adianta muda, ka ta da.

Paké frusta na tenta ser kel ki bu ca é? paké tenta agrada odjos de kelotu? assi bu ka sa ta ser kel ki bu cre mas sim kel ki kes otu ta cre. Abo é magra, Deus fazeu bu ca doente nau, ami é magra asvez ate nta atxa um poku feia (kkk) mas nka sa bem mata cabeça ou frusta pamodi kela, ami nkre ser mi
nta confessa go mas asvez nta kre ser mas para lem de mi mas na tenta n fronta e n fika mas pior e goci djam odja ma nka podi ser nada mas ki mi mesma.

Ser bo é de graça, bo é gorda mas acredita abo é bunita e maravilhsa, bo é alta ou baixa pobre ou rico mas é dento bo ki é bo.

Ka bu liga pa mundo pamodi mundo é disgraçado, asvez ta djuda mas so hora ki bu sa mariado,
n prende ma mundo ka presta aserio es ki ta desculpam mas mundo ka ta djuda e mundo nsa ta fla anos humano.

Ami tmb asvez nka presta nka ta djuda , asvez pa um simples palavra ki nu ta pensa é fixe é podi mata um alguem ya.

Beleza é ca nada mas ser humanos kre mante nes ignorancia. Caracter é kel ki ta fazeno ser alguem, é kel ki ta fazeno ser bunito e ser nos mê.

Aceita e ama bu cabeça, pa bu alcança bus sonhos bu ca meste muda, bu meste so fé e acredita pa bu conkista mundo bu tem ki conkista bo primero.

Afasta de kes pessoa ki ta cre pa bu ser boa gostosa ou sei la rico afasta de kes pessoa ki ka ta desejou ser abo.

Si ninguem ka creu, cre bu cabeça. Mas midjor fica bo so du ki ku alguem ki ca ta aceitou
djobi pa bo nes exato momento de pé sai cabeça e fla ´´ami é bunita des manera´´

Mira Moreira