Portugal: 2 jovens Caboverdianos perdi vida na sequencia di un tiroteio

morti di Marito sta relacionadu ku morti di Aylton ki kontici na sequencia di un tiroteio es dia domingo pur volta di 6 hora di parmanhan na saída di discoteca “Luanda”

+ un “rixa” frenti di discoteca “Luanda” na Lisboa
+ 2 JOVENS CABO-VERDIANOS PERDI VIDA...
“Primeiro vi uma cena de pancadaria; depois um homem puxou da pistola que tinha na meia e deu um tiro na perna do outro. O outro começou a fugir, a mancar, levou com dois tiros nas costas.”

Si ki konta kenha ki odja.
Ki leba 2 tiro na costa foi Aylton Tavares, un joven di 20 anos fidju di mai ku pai cabo-verdianos ki kaba pa morri na hospital dipos di un intervenson cirurgico.

Kel otu vitima mortal ê Marito, 18 anos, també di origen cabo-verdianu. Marito atxadu ta esvai en sangui ku brasu pikadu a katanada na zona de Apelação, també na Lisboa. Ê lebadu hospital mas tambe ê kaba pa morri.

Policia sta investiga pa sabi si morti di Marito sta relacionadu ku morti di Aylton ki kontici na sequencia di un tiroteio es dia domingo pur volta di 6 hora di parmanhan na saída di discoteca “Luanda” na zona di Alcantara , na Lisboa.
Autor di disparos fugi antis di policia tchiga y ti inda ê ka pegadu.
Tiroteio pruvoka inda + 2 feridos ki sta internadu na hospital mas ki segundo informasons ka sta korri risku di vida.

E ka primeru bes di discoteca “Luanda” ê cenário di rixas y di violencia. Cenas di tiroteio nes zona ê frekuenti na fin-de-semana y nes ultimos anos ten konticidu tcheu epizodios mortal . Mais gravi kontici na Abril di 2000 kuandu 6 pessoas perdi vida y 40 fika feridos nes discoteca kuandu rabenta 2 granadas di gas pimenta. ...Vitimas y familiares di vitimas ti inda sta spera pa un indmnizason. fonte:ok