Carta di un Caboverdiano pa si Amor...

Fladu "hómi ka sabi ama", si é si n'tom n'kria sabeba kel ki n'xinti oh inda n'ta xinti pa bo é kuze?

"Olá nha ex amor!!
Djo stranha neh?!?

Ya depoz di tantu tempu sem recebi um mensagem dmeu, i dipoz di tudu ki nu fla kumpanheru... É normal.

Mas n'skreveu pamodi n'kria pa bu sabi modi ki n'sufri depoz ku dexam.

Bu markam txeu... I depoz ku n'tivi ki afasta di bo, n'sufri txeu, n'passa txeu noti em klaru ta pensa na bo, mas logo ki manxeba n'ta poba surizu na rostu pa ninguem ka topa módi ki bu ausencia sta fazeba mi mal, mas n'konsigui disfarsa dretu, pamodi ninguem ka nota...

Fladu "hómi ka sabi ama", si é si n'tom n'kria sabeba kel ki n'xinti oh inda n'ta xinti pa bo é kuze?!?

Um sentimentu ki mudam kompletamenti, ki fazem skesi ti di mi, ki apesar di tudu ku fazem n'ka konsigui skeceu.

N'sufri txeu, mas n'ka txora... Afinal "hómi ka ta txora". Mah sempri n'perguntan ki tipo di "amor" bu xinti pa mi, ki mesmu diposdi tantu implora, di tantu humilha bu ka volta...

N'ka sabi si bu merecem oh nau, mas um kuza n'sabi bu ka mereci amor ki n'ten pa bo.

És dia n'konxi um alguem, nu tem stadu ta fala txeu i kada dia é sta torna mas importanti pa mi... Ahh ko mesti fadiga, ka mas importanti ki bó. Dipos di tantu fala hoji n'tivi koraji di konfessal ma inda n'ta amau i mah nunka n'konsigui skeceu... Si risposta foi: " n'gosta txeu di bo, mas si tem um kuza ki nprendi ku vida é, ma antis di n'gosta di alguem, n'debi gosta di mi, i si inda bu ta amal LUTA PA BU AMOR.

N'fika stranhu pamodi n'xinti meh gostaba txeu di mi, mas n'dicidi sigui si konsedju, n'dicidi"luta pa nha amor".

I foi kela ki pon n'skreveu... Mas ti goci, ku kaneta na min, i dipos di tantu skrevi, n'intendi kuze ki signifika "luta pa nha amor", ti goci kin Intendi ma talvez midjor forma di luta pa nha amor é LUTA KONTRA ES AMOR, luta kontra algu ki fazem so mal, ti goci ki n'nota ma talvez mutivu ki pon txeu tempu ta kori bu traz, foi falta di amor... Falta di amor pa mi mesmu... Si n'ta amaba mi au menus metadi du kin amau, nta sabia kuze ke ser amadu.

Por isso mesmu dipos di nskrevi tudu keli, mesmu di konfessa ma inda n'ta amau djan dicidi intera és amor... Talvez assi podi nansi um novu amor... Talvez assi n'podi prendi amam antis kualker kuza...

Bom n'sta para pa li pamodi tinta dja sta seka.
N'sabi ma final foi xeiu "talvez" mas um kuza é certu: Djam bai, i n'ka ta volta mas ." fonte:Sodadi ka ta mata