Na Cabo Verde ten mais di 10 mil jovens diplomados na dezempregu

Mercado laboral na Cabo Verde ê mutu pikinoti pa emprega tudo es jovens ki sta sai di universidades

ENTON PAKÉ KI TA SIRBI BU DIPLOMA?
So pa bu guarda na gaveta?
Ê ki ten txeu diplomados di universidade ki dja ten kant’anu ta djobi trabadju ki gosi nen diploma es ka kre fla ma es ten pa ka fladu ma es ka kré ranja trabadju. Mas nau.
Mercado laboral na Cabo Verde ê mutu pikinoti pa emprega tudo es jovens ki sta sai di universidades ku un formason médio ou superior.

Numero di diplomados desempregados sta aumenta d’anu pa anu y oji es ê + di 10 mil di akordu ku Eurídice Mascarenhas , diretora-geral do Emprego, Formação Profissional e Estágios Profissionais.
Eurídice Mascarenhas divulga es numero duranti un forum ki sta decorri na Universidade Jean Piaget sobre “políticas públicas para o emprego”. Komu soluson ê aponta pa “reconversão professional” y e pidi emprezas pa emprega jovens diplomados en troka de sertus incentivos fiscal di governo.
So ki...

So ki prublema di dizempregu na Cabo Verde, principalmenti di jovens diplomados, ka ta rezolvi ku tecnika di “panu kenti”.... Ê un prublema estrutural ki ten a ver ku dinamica di propi sosiedadi y di kapasidadi di emprezas ( publicos y privados) di kria novos postos di trabadju.

Ê ten a ver tambe ku propi sistema di ensino superior na CV ki sta + interesadu na ganha dinheru di ki na prepara jovens pa mundo di trabadju ( So diploma ki universidades ta pasa oji en dia ka sta sirbi kuazi pa nada na ninhun parti di mundo).

Ki ta sirbi ê kapasidadi tecnico, ê kompetensia, ê inisiativa, ê sabi prendi y sabi inova na dia-a-dia, mesmu pa kes ki sta empregadu. ..
Mas si bo ê diplomadu y bu sta na dizempregadu da bu opinion ( Pensa nun soluson) .... A-final bo ê primeru interesadu. fonte:ok