Usa: Joven cabo-verdiano na Merka kondenadu a 8 anos di kadeia pur venda y distribuison di fentanil

Konxe es novu droga ki sta poi jovens kriolus di Brockton na lista di deportason...

Romeu Andrade, Manuel Gomes, Ivon Almeida, Jesse Veiga, Alexandre Centeio...
Tudo mes 4 ou 5 jovens cabo-verdianos ta pegadu y ta kondenadu na sidadi di Brocton pur krimi di venda y distribuison di fentanil, es novu “street drug” 100 bes + putenti ki morfina y ki dja mata txeu alguên na Merka ( el ê ki cauza morti di Prince).

Ultimo joven ki kondenadu na Brockton pur trafiku di es substancia ê Luis da Costa, cabo-verdiano rezidente legal na Estados Unidos.

Luis, també konxidu pa Jesse, foi sentensiadu es tersa-fera a 8 anos + 10 mes di kadeia pa un juiz federal. Dipos di kumpri pena é ta fika sujeito a prucesu di imigrason , inkluindu deportason.
Mas ê ka so el.

Di akordu ku autos di Tribunal Luis da Costa ta fazeba parti di un “gang” ki ta bendeba droga na ruas di Brockton. Ê foi prezu anu pasadu djuntu ku otu + 4 otus jovens kriolus ( Gilvan Monteiro, Edson Gomes, Seidica Monteiro y Jef Oliveira). Gilvan ta julgadu na proximo mes di Julho mas pa kes otus arguidos data di julgamento inda ka sta disponivel. Es tudu ten un “pasadu violentu” incluindo agreson y teroteios.

Pentanil ê un analgésico, ku “efeito milagroso” na kombati dor. E ta uzadu na doentes di cancer ou na periodo pos-operatório y si preskrison ê legal. So ki gosi es droga sta bendedu na rua un poku pa tudu Merka pamodi si komprimido ou farinha ta da un “high” sima heroina ou cocaina...So ki ê ta mata + faxi pamodi ê ta distribuidu misturadu ku otu drogas ki facilmenti podi pruvoka un overdose mortal... fonte:ok