Menina ku odjo nocente, ku andada caimo, chintido paziguado, de aima balente...
Serbente de bu amor
Um diá nta lebu tudo nha letra, nta cantabu tudo nha cantiga... um diá nta embalabu ku nha comberso, nta cordabu ku 2 beju na testa...
Um diá, nta crebu ku mas sede k kel k nkrebu hoji, nta amabu ku mais sodade k kel k nchinte onti.
Miná um diá, nka ta flabu me manha nem me otra manha, mas nsabi man ta fazebu dá valor a nha comberso.
Nkrebu ku dor na aima, nkrebu ku sede de tenebu e de alcança mundo ao mesmo tempo.
Nkrebu ku nocenteça imbrudjado na sabideça...
Nkrebu ku aima, ku caima, ku gana.
Nta djobebu la ta dobra skina nta cuda na undi k Nhor Des inspira pa criabu.
Menina ku odjo nocente, ku andada caimo, chintido paziguado, de aima balente..
Flam se é nha sonho ou bu sonho?
Tudo bez k nflabu man kreu, bu pedim pam sai de bu bida,
Tudo bez kin corri bu traz bu purguntam se nka ta cansa...
Oh mina djoli djó.... canela é de bo? Quem k flau man tem medo cansa? Quem k flau man tem preguiça sunha? Quem k flau man tem medo krebu?
Flam li se nha sonho ou bu sonho. Flam li se nha gana ou bu gana. Flam li se mi k ta manda na nha curaçom ou nha curaçom k ta manda na mi...
Oh miná cram. Krebu mé? Dexam krebu, dexam ninabu na nha peto, dexam cuida de bo cima galinha ku si pintom, dexam krebu cima nunca ninguem krebu...
N'amabu ontonti nka cansa, onti ncorda ku amor mais txeu inda pam dabu, ochi go propi k nsta cheio del ti lança...
Ah miná, dexam krebu
Nta jurabu mo ka ta rapende. Nu ta triça ku kumpanhero, nu ta labuta ku bida djunto, nta dabu motivo tudo diá k Dios poi na cruz po fica.
Nta krebu tudo diá ku sodade, nta promete amabu tudo diá ku gana.
É nha sonho ou bu sonho?
Não miná, dexam fazel ser nós sonho. Nós bida. Nós mumento. Nós aima...
Mi ku bo, nós dos riba mundo, sem mas ninguem.
Mi ku bo, ku luá, ku strela, mar e bento e um tcahada de amor pam dabu.
Ah miná, kre ku mi!
Kre so ku mi. Nta krebu pa mi ku bo, pa resto de nós bida.
Dicla Gonçalves
Um diá nta lebu tudo nha letra, nta cantabu tudo nha cantiga... um diá nta embalabu ku nha comberso, nta cordabu ku 2 beju na testa...
Um diá, nta crebu ku mas sede k kel k nkrebu hoji, nta amabu ku mais sodade k kel k nchinte onti.
Miná um diá, nka ta flabu me manha nem me otra manha, mas nsabi man ta fazebu dá valor a nha comberso.
Nkrebu ku dor na aima, nkrebu ku sede de tenebu e de alcança mundo ao mesmo tempo.
Nkrebu ku nocenteça imbrudjado na sabideça...
Nkrebu ku aima, ku caima, ku gana.
Nta djobebu la ta dobra skina nta cuda na undi k Nhor Des inspira pa criabu.
Menina ku odjo nocente, ku andada caimo, chintido paziguado, de aima balente..
Flam se é nha sonho ou bu sonho?
Tudo bez k nflabu man kreu, bu pedim pam sai de bu bida,
Tudo bez kin corri bu traz bu purguntam se nka ta cansa...
Oh mina djoli djó.... canela é de bo? Quem k flau man tem medo cansa? Quem k flau man tem preguiça sunha? Quem k flau man tem medo krebu?
Flam li se nha sonho ou bu sonho. Flam li se nha gana ou bu gana. Flam li se mi k ta manda na nha curaçom ou nha curaçom k ta manda na mi...
Oh miná cram. Krebu mé? Dexam krebu, dexam ninabu na nha peto, dexam cuida de bo cima galinha ku si pintom, dexam krebu cima nunca ninguem krebu...
N'amabu ontonti nka cansa, onti ncorda ku amor mais txeu inda pam dabu, ochi go propi k nsta cheio del ti lança...
Ah miná, dexam krebu
Nta jurabu mo ka ta rapende. Nu ta triça ku kumpanhero, nu ta labuta ku bida djunto, nta dabu motivo tudo diá k Dios poi na cruz po fica.
Nta krebu tudo diá ku sodade, nta promete amabu tudo diá ku gana.
É nha sonho ou bu sonho?
Não miná, dexam fazel ser nós sonho. Nós bida. Nós mumento. Nós aima...
Mi ku bo, nós dos riba mundo, sem mas ninguem.
Mi ku bo, ku luá, ku strela, mar e bento e um tcahada de amor pam dabu.
Ah miná, kre ku mi!
Kre so ku mi. Nta krebu pa mi ku bo, pa resto de nós bida.
Dicla Gonçalves
COMMENTS