contici na madrugada di segunda fera na cidade di Providence
Policia sta suspeita ma Raheem Alves foi + un vitima di violensia di gang...
Raheem Alves, 24 anos, foi mortu a tiro pur volta di uma hora di madrugada di segunda-fera kuandu ê staba xintadu dentu di carro djuntu ku un otu joven kriolu ( Dillon dos Santos , 25 anos) nun parki di estasionamentu na sidadi di Providence, estado di Rhode Island.
Di acordu ku informason di policia un atirador ki konsigui fugi discarrega si arma kontra es automovel ki bu sta odja na foto kuandu es 2 jovens entra na carro dipos di sai di un discoteca ( Club Passion, na Providence). Na xaparia di carro polisia konta pelo menus 24 buracos y sinal di bala.
Alguns tiros atingi Alves di forma fatal enkuantu Dillon dos Santos, ki staba na asentu di kondutor, lebadu hospital ku ferimentos di bala na brasu esquerdo y sta speradu ma e ta sobrivivi.
Polisia ta acredita ma Dillon dos Santos ten possivel ligason ku gangs di rua ki na ultimos anos mata ou firi alguns di si amigos y familiares, incluindu Ryam Almeida, un kriolu ki asasinadu na sidadi di Pawtucket na fin d’anu di 2013.
Raheem Alves, pa si ladu, ê ta viveba ku familia na sidadi di Central Falls, pertu di Providence. Amigos y familiaris ta diskrevel komu un bon rapaz ki ka mereseba morri d’es manera. Ê termina Liceu na 2013 y ê frekuenta colégio duranti 3 anos. Pa alen di mai ku pai ê dexa un irmon y 4 irmans. Enterro sta previsto pa es sábado y pa djuda ku gastos sta en kursu un kampanha online. Kampanha online pa funeral y enterro di Raheem Alves - https://www.gofundme.com/proper-burial-for-raheem
fonte:ok
Raheem Alves, 24 anos, foi mortu a tiro pur volta di uma hora di madrugada di segunda-fera kuandu ê staba xintadu dentu di carro djuntu ku un otu joven kriolu ( Dillon dos Santos , 25 anos) nun parki di estasionamentu na sidadi di Providence, estado di Rhode Island.
Di acordu ku informason di policia un atirador ki konsigui fugi discarrega si arma kontra es automovel ki bu sta odja na foto kuandu es 2 jovens entra na carro dipos di sai di un discoteca ( Club Passion, na Providence). Na xaparia di carro polisia konta pelo menus 24 buracos y sinal di bala.
Alguns tiros atingi Alves di forma fatal enkuantu Dillon dos Santos, ki staba na asentu di kondutor, lebadu hospital ku ferimentos di bala na brasu esquerdo y sta speradu ma e ta sobrivivi.
Polisia ta acredita ma Dillon dos Santos ten possivel ligason ku gangs di rua ki na ultimos anos mata ou firi alguns di si amigos y familiares, incluindu Ryam Almeida, un kriolu ki asasinadu na sidadi di Pawtucket na fin d’anu di 2013.
Raheem Alves, pa si ladu, ê ta viveba ku familia na sidadi di Central Falls, pertu di Providence. Amigos y familiaris ta diskrevel komu un bon rapaz ki ka mereseba morri d’es manera. Ê termina Liceu na 2013 y ê frekuenta colégio duranti 3 anos. Pa alen di mai ku pai ê dexa un irmon y 4 irmans. Enterro sta previsto pa es sábado y pa djuda ku gastos sta en kursu un kampanha online. Kampanha online pa funeral y enterro di Raheem Alves - https://www.gofundme.com/proper-burial-for-raheem
fonte:ok
COMMENTS