Portugal: Cabo-verdianu sta konkorri pa Prezidenti di Câmara na Portugal

pa Mario de Carvalho  si kandidatura ka ten ninhun  konotason rasial  embora e ta fazi di “multicularidade” y di dialogo di kulturas   un di kes pontu forti di si mensagem ...  

OBAMA DE AMADORA ?
Pelo menus ê si ki  grupo independente  “Nos Cidadãos” di Amadora sta aprezenta Mário de Carvalho komu ses kabesa di lista pa eleison munisipal pa Camara de Amadora na prosimu mes di Outubro. …Aprezentason ofisial  di si kandidatura  ê na prosimu sexta-fera mas  pra já es si komparason ku Barack Obama  komu estratégia di marketing politiku ten dadu si rezultadus, ku Carvalho ta salta repentinamenti  pa primeru pagina di jornal.

Mario de Carvalho nu entantu ta pidi kontenson.
Es Santiaguense  radikadu na Portugal  ka ta nega ma Obama pa el ê un referensia mas ê  ta  fla ê ka ten grandi semelhansa ku primeru prezidenti pretu di Merka até porque rialidadi ê mutu  diferenti…  Ki es  podi ten en kumun  e kel mesmu vizon di mundu  y kel mesmu ruspetu pa direitos di sidadons.

Pa Mario de Carvalho, ki ê lisensiadu em Ciencias Politicas e Relações Internacionais, pa Mario de Carvalho  si kandidatura ka ten ninhun  konotason rasial  embora e ta fazi di “multicularidade” y di dialogo di kulturas   un di kes pontu forti di si mensagem ...
Nun municipio  sima Amadora  undi ten un grandi kumunidadi cabo-verdianu ku gravi  prublema di hanitason y até di integrason social  kandidatura di un ‘fidju-terra”  sertamenti ta  ben kontribui  pa trazi pa debate publiku temas sensivel  sima  demolison di barrakas ou brutalidadi polisial na Cova da Moura. Esperar vamos . Fonte:ok