Kriola ki si namorado ka krel komu amiga na facebook sa pidi bu opinion...

Es menina kré bu opinion: é fla ma si namorado ka krel komu amiga na facebook

Joven caboverdiana manda mensagem pa OK ta pide opinion di pessoas, odja si dilema y dexal bu
opinion:
“Boa tarde Onda Kriolu.
Nha nome é Ina i un kré partilha es nha storia pan odja si n’ta dadu algun resposta.

N’ten 23 anos y nha namorado ten 27 anos di idade. Djan ten kuazi un ano ki nu sta djuntu mas sempri ê pidin pa nu ser diskretu, ma ka mesti pa tudu alguen fika ta sabi di nos amor.

Desdi principio un mandal pedidu di amizadi na facebook mas ê ka aceita, sempri ta flan ma el ê ka homi ki ta entra txeu na facebook I ma nen ê ka gosta di mudjer ki ta sta txeu na facebook.

Un kridita nel ti ki un dia ki un nha amiga ben flan pan kria un facebook ku foto falsu i ku nomi di otu menina pan pidil amizade. Kantu un mandal es novo pedido ku foto I nomi di otu mudjer enton ê aceita logo I até ê kumesa ta manda mensagen ta kre sabi el é kenha… Foi la n’ton ki nu pega.

Un flal klaru ma era mi I komu un staba mutu xatiada un kumesa ta insultal ta perguntal pamodi ki ê aceita amizade de un menina ki nen ê ka sabeba era kenha enkuantu di meu ê ta recuza.

El ê un rapaz mutu mansu i mutu karinhozu i poku poku ku palavras bonito ê konsigui kalman I konvensen i tudu volta pa normalidadi. Inda ê pidin pan fitxa fitxa nha facebook pamodi ma facebook sta straga relason di tcheu cazal. Un fla ma nau pamodi ami un ten tcheu familia ki sta fora ki n’ta kré sta ligadu k’os.

Staba tudu dretu entre nos ti semana pasadu kuandu un pidil si movel pan fazi un xamada mas pa kuriozidadi un fika ta djobi xamadas ki é ta recebi. Ê toman si movel di mo ku tudu forsa I ê flan ma si ê atchan otu bes ta garbata na si telephone ma nu ta dana.

Un fika triste pamodi nu gosta tcheu di kumpanhero i un ka ta kreba pa nos relason ben straga.
Ê por isso ki sta pergunta si tudo kes kuza li ê normal entre namorados.

Tambem n’kré sabi si ten otu meninas ki ses namorado ka ta kré pa es mexi na ses movel ou ki ka ta aceitaz komu amiga na facebook. Mi di nha parti n’ka ten nada pa sukundi. Desdi ja muito obrigada pa resposta."