França: Cabo-verdiana mata si fidju logo dipos ki nansi

Pamodi ê ka kreba pa marido diskunfia ma fidju ka era di sel

Kazu kontisi na mes di Junho mas so es dia domingo ê ki es cabo-verdiana di 28 anos konfesa krimi. Ê fika prezu akuzada di homicidio.

Na dia 13 di Junho txomadu di urjensia servisu di bomberu pa bai presta sokoru a un mudjer ki sen spera ten fidju na sanita di caza di banho na bairro di Grigny 2, na rejion pariziensi…. Kuandu sokoru txiga bebé ka sta respiraba. E staba mortu…. Na declarason ki na altura es mudjer presta na polisia ê flaba ma bebe morri fogadu dipos di kai na sanita. Komu nada ka sta inkriminaba el ê dexadu en liberdadi.

Kazu ben komplika dipos di autopzia ki revela ma es bebe ki inda nen nomi ka tinha nunka ka enguli agu na si vida y ki portantu ê ka morri fogadu sima mai fla…. Korpu també ka aprezenta ninhun marka di keda ki podia pruvoka morti. Autopzia inda revela ma es kriansa nasi ta respira y ê ka tinha ninhun deformason ou duensa ki ta justifika un paragon kardiaco.

Ku rezultadu di autopzia korda kumesa ta perta kontra es kriola ki marido so lebal Franca pamodi ê staba gravida ( es ten un otu fidju di 10 ano). Presionada pa tudu ladu es fin-de-semana ê kaba pa konfesa a un familiar ma foi foi el ki foga bebé y es familiar logu alerta polisia. Familia di maridu inda organiza un “kampanha punitiva” mas polisia lebal antis di kontisi un tragedia.

MARIDO KA SABEBA…
Marido ka staba ao korrenti di es infantisidio y nen ê ka sabia ma fidju ka era di sel sima es cabo-verdiana tambe konfesa …Y foi justamenti pa tenta sukundi es relason extra-konjugal ki es mudjer fla ma ê asfixia es recem-nascidu …. Pra ja autoridades ki sta investiga kazu ka sta fazi ninhun kumentário mas di akordu ku Agencia France Press (AFP) es mudjer konfesa marido ma fidju ka era di sel y ma ê mata es minion pamodi ê ka sabia modi ki marido podia riaji. fonte:ok