Suguransa di país sta moda m#### pamodi kabu verdi ka teni kultura mas
Pisoas prósimu di mi ta flan man ka ta konsigui nada pamodi nta papia kuzas mariadu. Desdi kuandu fala verdadi e mariadu? Nha objetivu e kontribui di midjor manera pa tudu fika mas midjor di kel kin atxa. Min ka tirorista, min ta ama mundu, pamodi ami é di mundu. Tem um vizon kultural y pulitiku txeu kritiku, um kuza di dodu propi, mas keli e nha ispreson di nha speransa absolutu ma kuza ta muda. Mas des manera li modi nu ta muda?
Na 2015 1ºministru ben tarrafal, y e fazi um diskursu di ki kabu verdi sta mas suguru y ki nu ten mas polisia, un prizon di siguransa maxima... E fala apenas di siguransa, ami komu nka mesti suguransa pamodi mi e livri, ntoma palavra splikal diferensa entri suguransa ku liberdadi. Y xan purgunta nhos kal ke diferensa entri suguransa ku liberdadi? Ayan, nu bá ta bai, nflal ma kuantu mas pulisia nu tem, mas bandidu inda nu tem, pamodi me pulisia ki sa ta simia bandidesa dentu sosiedadi. Xefi pulisia ki staba la frenti ta izibi si 3 strela, vira djoben kun rostu runhu, mas djan papia dja. Pulisia trafikanti, pulisia ladron, pulisia pidófilu...
Un kuza sta mariadu, un joven ka podi fazi um 1ºministru di un terra purgunta pe ka konsigui rispondi. keli e falta di ruspetu. Suguransa di nhos li a ta da ki papia, Kuza ka sta bunitu nu ten ki volta fonti. Moisés Borges xan dau un rekadu pa ministru di kultura di kabu verdi, flal ma si tudu kuza e kau mixa, pe sugeri UniCv um kursu voltadu a es novu area promissor.
Nhos obi, suguransa di país sta moda m#### pamodi kabu verdi ka teni kultura mas, kultura ka ta izisti undi ka izisti liberdadi. Oras kin sa ta fla liberdadi, e ka so liberdadi di spreson y pulitika, e asima di tudu ikunómiku y spiritual. fla 1ºministru pa kaba ku pulisia sen kualifikason, y pe tenta adota um ason afirmativu. kuze ke ason afirmativu? e pulitika ki nhos ta utiliza pa rikruta y promovi impregadus y impriendidoris ku objetivu di ilimina efeitus di diskriminason ki kontisi na pasadu/prizenti. Nsa ta fala di artistas, asistentis sosial, sosiolugus, psikolugus, psikiátras, psikanalistas, antropolugus, storiadoris... Pulisia Nasional nau. Abo kabu verdi nen meiu sékulu ka ten di independensia, pulisia nasional axu ki tem 147 anu. Keli e ka pulisia nasional, keli e pulisia kolonial. Pa li apenas nu kre justisa pa Maritu, pa ka fika sima Rinatu Kardozu ku Kabral. Nkre obi nhos ta fala di atuason di Pulisia Judisiária, ki txiga na lokal di krimi dipos di 13 oras du okuridu. Jovens paralén di ka ten nada li, nhos kre ponu medu? dja nhos mata maritu, mas nu ka ta intimida, nton nu ta kontra kol em brevi la ladu la... RIP pa kel manu kin inxinan entra na beat y gravan nha prumeru rap.
Ze Pikenu
COMMENTS