Boavista: Agente di Policia nacional prezu pur supostu envolvimentu na asaltu kontra agencia di bancu BCN...

Es caso contice na ilha de Boavista

Nome di es agente ê Flavio  Rocha y di akordu ku jornal “A Voz” ê foi prezu pa Plosia Judisiaria es fin-de-semana  djuntu ku + 3 individuos suspeitos di asalta a “mão-armada”  un agensia di BCN na Sal Rei na  sexta-fera 29 di Dezembro kuandu Polisia Nasional sta kumpriba ses terseru y ultimo  dia di grevi. 

Inda di akordu ku mesmo fonte agente Flavio Rocha  ê tambe suspeito di rouba  un metralhadora AKM na eskuadra di polisia di Sal Rei.

Nu ta rekorda ma agensia di BCN na Sal Rei foi asaltadu na tardi di sexta-fera pa un grupo di 3 individuos encapuzados ki  munidus di un AKM  pa alen di dinheru di caxa leba tambe  dinheru di alguns  klientes ki inda staba nes agensia kuazi na hora di e sta fixtaba .
 Asaltantis dipos fugi nun veiculo ki supostamenti foi roubado di ekipa ki ta fazi levantamentu predial na kuadru di prujetu  MCA (Millennium Challenge Account)
Kuantidadi di dinheru   roubadu sertamenti ta reveladu es tersa-fera kuandu es supostos asaltantis for  aprezentadu  na Tribunal  pa formalizason ou nau   di  prizon preventiva.
 (PJ ta flan a ses pagina di facebook  ma na  ma na investiga es asaltu  es prendi 3 individuos  di idade compreendido entri  26 y 36 anos  mas es ka ta fazi ninhun referensia a kualker agente polisial). Fonte:ok