Dezabafu di Dj Elvis: "Nhos para di brinca ku trabadjus di artistas"

Dj Elvis fala sobre Deejay and music awards na Cabo Verde

Texto enviado por Dj Elvis:
"Bom nha povu nhas fans, obrigadu pa tudu apoio ki nhos ten dado mi ate agora, é graças nhos ki sta pon continua ta trabadja e studa pa cada vez mas pa n trazi trbadju musica mas qualidadi. mi como um dos riprisentanti di deejay e produtor musical di longa data, sempri n sigui nha caminhu profisionalmente e pasu a pasu, ate ki goci n podi fla firmimente, MI É um Deejay e produtor musical.

Bom nca cria falaba nada sobri nomiason de Deejay and music awards na Cabo verde, mas em considerason a nhas fans amigus e siguidoris, n ta fla o seguinti, pa tudo organizason di awards ki seja de musica ou deejay na cabo verde nhos para di brinca ku trabadjus di artista ki ta passa dias e notis ta tenta cria se arti poi tudo si sentimento positivo, pa odja se povu mas alegri, cultura mas forti, tradison mas rico. nhos para di brinca cu trabadjus de artistas, nhos dexa di inventa deejays, musicos e produtoris na awards, si nhos ca sta priparadu pa fazi, é midjor ca nhos fazi. Nhos ser mas profisional e dexa di straga nos trabadjus, nos povus ka mereci issu.

Nem ka nhos fla, ma ka ta da pa agrada tudu alguem, pamod é ca kela ki nhos sata fazi, di nhos é falta di profisionalismo e falta di conhecimentu.

É bom inciativa? Sim admito, mas nhos pripara primeru i fazel cima debi ser fetu, da premio a ken ki mereci.

N ta pidi tudu musicos e deejays pa nhos fala, pamod si nhos ka fla nada, tudo trabadju e tudo luta sta bem fika em van.

 Nu djunta mon e nu luta pa nos trabadjus fika na nível ke mereci.
 Viva musica viva Cabo Verde.
 OBRIGADO!

 ELVIS VARELA (Dj e Produtor musical)"