Kumandanti di Policia di sal dimitidu pamodi ê fla ma lei kabu-verdianu é “amiga das armas”...

Ten milharis di armas ta “sirkula” ilegalmenti na Cabo Verde

Ê pistolas , maioria ilegal, ki ta uzadu pa mata ou pa kumeti otu tipu di krimi ki ten ten stadu ta priokupa populason y propi autoridades polisial ki ta fla ma ten na Cabo Verde uns 10 mil armas di pekenu kalibri ta sirkula ilegalmenti ( embora ten un lei pa uzu y porti di armas maioria di “donos “ka ten lisensa).
Pa “infratoris” lei ta prevê un pena ki podi bai ti 2 anu di kadeia mas tambe nes kapitulo aplikason di lei ê konsideradu “brandu”, sima ta konsideradu “brandu” kel kombati kontra fabrikantis di “pistola boka-bedju”, un arma artezanal ki torna popular na ilha di Santiago y ki ê “resposavel” pa maioria di krimis violentu .
Talves ê pamodi justisa ê “brandu” na aplika Lei kontra portadoris ilegal di arma y kontra fabrikantis di “boka-bedju” ( fabrikantis di morti) ki leba Elias Silva a fla ma Cabo Verde ten un lei ki ê “ amigu di armas”, un afirmason ki kustal si kargu komu komandanti Rejional di Polisia Nasional na Sal.

“POLICIA NAO CRITICA JUSTIÇA”
Kel li ê pelu menus opinion di ministro di Admnistrason Interna Paulo Rocha ki imediatamenti rizolvi dimiti Elias Silva komu xefi di polisia na Sal. Pa alén di dimitidu Elias Silva inda ten ki rispondi a un prusesu disciplinar... Pergunta ki fika pa rispondi ê si Elias Silva ten razon ou nau kuandu ê fla ma Lei di Cabo Verde ê “amigo de armas”. fonte:ok
Dexa bu opinion.