USA: Akuzason sa pidi prizon perpétua pa es kabu-verdianu di 37 anu akuzadu di mata si fidju...

Aleida morri vítima di asidente ou vítima di si pai? E júri na Merka ki ten ki disidi 

Advogados de Jorge de Pina fla ma es ka ten dúvida : Pa es foi asidenti ( kéda di bisikleta)  y  komu na ses opinion ka ten prova nen ividénsia  sufesienti  pa sustenta tezi  di omisídio es pidi juiz pa suspendi julgamentu  y absolvi  Jorge de Pina  sen ten ki submete-l  a apresiason di jury…  Mas komu juiz rekuza  es pedidu ê konjuntu di  jurados ki ten ki konklui y disidi  si  Aleida de Pina morri vítima di maltratu di si pai ou si perfurason na intestinu    ki provoka si morti  sima dotor fla foi rezultadu di un keda di bisikleta  uns 2 dias antis di si morti  na  Julho di 2013.

Pa reforsa tezi di asidenti advogados di difeza txoma  Maria Cruz pa tistimunha…. Maria  ta moraba pertu di kaza di Jorge de Pina na sidadi di Pawrucket y ê fla sob juramentu ma 2 dias antis di morti di Aleida  ê odja es kriansa  ku dor ta pega barriga  y ma Aleida flal ma ê kai di bisikleta y ma vulanti magual barriga.

Akuzason sta fla ma nau …
Akuzason sta fla ma foi Jorge ki pruvoka es  ferimentu fatal y pur isu es ta pidi prizon perpétua pa es kabu-verdianu di 37 anu akuzadu di mata si fidj-fémia ... Pa reforsa ses ideia semana pasadu  akuzason  aprezenta  na Tribunal videos supostamenti di kamara di Jorge de Pina undi ê  ta parsi ta amiasa amiasa Aleida y ta batel ku mon na kabesa pamodi Aleida ka krêba kumi (es-namorada di Jorge tambe fla na Tribunal ma Aleida ka gostaba di kumi)

 Akuzason inda aprezenta komu evidensia kordas y fiu di luz ki atxadu na si kaza y ki Jorge de Pina supostamenti ta uzaba pa maltrata Aleida .. . Difeza ka sta nega akuzason di maltratu y até es txoma un irman di Jorge  pa konta  na Tribunal modi ki ses mai na Cabo Verde ta sotaba es ku fiu di luz.

KUMUNIDADI  DIVIDIDU…
Di mesmu forma ki Tribunal  debi sta  divididu, komunidadi kabu-verdianu na Merka també sta divididu si  Jorge de Pina ê kulpadu ou nau na morti di si fidja Aleida…  Pa uns Jorge de Pina, tambe konxidu pa Manti Fixi,  pa uns Jorge de Pina era  bon pai y inkapaz di  kumeti tamanhu  atrosidadi enkuantu ki pa otus tudu ê possivel.

Julgamentu di Jorge de Pina  dja entra na si  segundo semana ( ê kumesa na dia  26 di Marsu na Tribunal Superior de Providence) mas inda ka ten data pa leitura di veredicto ( podi ser es semana ou na principio di otu semana). Fonte:ok