Kuza mas tristi k ten, ten Pai na registu bu ka conxi si Rostu

Si kre mai ta da di tudu ka ta dexa falta nada kel lugar di pai sempri ta fika baziu

Fidju precisa de pai Sima ta precisa di mai
Papel di pai na bida di fidju é fundamental  é ka só mai k pari tudu ten si valor
Mas un pai presenti ka ausenti k ta  eduka ta ama ta kuida
Pai podi bandona mai di fidju mas di fidju nunka.

É ka sorti ten un pai presenti k ta kuida ta Karinha ta prekupa ta Stima ta protegi si fidju

Pmd nos k ta nasi nu ka fla ma nu kre nasi
Nu ka skodji nasi
Nu ka pidi nasi
K fari pa nu fla nkre pa flanu ser nha pai e flana nha mai.
Nos tudu nu foi feitu pa um mudjer um omi
KU amor ôh sem amor na sabi ôh a ka sabi
Na festa na diskoteka na festival oh na rua ka importa lugar

Ora k kriansa nasi é ten un mai um pai
Kriansa ka ten  kulpa si mai ku pai sta separadu
Kriansa ka motivo ses guerra
Kriansa nocenti é ka pidi pé nasi.

Fidju ta presisa di pai ku mai
Si kre mai ta da di tudu ka ta dexa falta nada kel lugar di pai sempri ta fika baziu
Bu ta xinti falta ten un pai.
Nha pai
Na sabi na ka sabi é nos mé
Na pobreza na riqueza é nos mé
Ka ten nada k nta poi si frenti
É ka dan ferari é ka dan avion nen diamanti
K fari pitroli
É dan bida amor Karinhu amizadi edukason  é inxinam ser mudjer midjor
Ka ten dinheru k ta kumpra kela.

Kuza mas tristi k ten, ten pai na registu bu ka conxi si Rostu
Tristi ten pai k ta passa na fidju nen bon dia
Tristi fidju ta kria sen pai
Tristi é ser rijeitadu pa bu pai
Mas tristi inda kes pai k ka ta assume
Inda ku kes kuzas di fidju fora
Sendo fidju tudu é fidju ka existi fidju fora.

Assumi responsabilidade di pai é ka só poi nomi na padas di  papel
Nen é ka só dá saku d'orroz ku bóia d'oliu.
Ka bu fla bu ka podi dal nada
Amor é di graça
Amizadi tambi é di graça
Karinhu é di graça
Atenson  é di graça.

Midjor pensa e repensa antis bandona un bida
Antis poi fidju Riba Mundu
Fidju ka infetu pa poi na stanti

Pai é ka só poi fidju Riba Mundu
Nem pai é ka po fla ma djo da omi pmd djo pari.
Pai é ka só poi fidju na Mundu
Pai é ken k ta kuida
Pai é ken k ta da atenson
Pai é ken k ta eduka
Pai é ken k ta apoia
Pai é ken ke responsavel
Pai é ken k ta protegi
Pai é ken k ta sta presenti
Pai é ken k ta ama
Pai é ken k ta kumpanha krescimentu si fidju.
Principalmenti pa kriolus k ora k tem fidju ta larga mudjer ku mininu
K nen si mininu sta doenti pé leba ospital k fari  si mininu txora noti
Tudu Riba kosta mai.

Feliz pai k ta kuida di si fidju
Feliz pai ke amigu si fidju
Feliz pai k ta passea ku si fidju
Feliz pai k ta ama si fidju.

Ireny Correia