Si familia ku amigos kré rializa si ultimu dizeju

Monica Fernandes morri kemadu es sabado na Praia...

Ê morri poku dipos di da entrada na  ospital di Praia ku kemaduras gravi  dipos di si kunpanheru Jorge   pol  lumi dentu  di es karru  ki bu sta odja na foto.... Kazu konstisi sabado di tardi na kaminhu  Praia/Veneza ( logu dipos di Estadio Nacional) y di akordu ku informasons si kunpanheru    pol  lumi dipos di  dispija   nes tudu  2  un  butija di gozulina.... Karru pega lumi y Jorge  morri logu karbonizadu enkuantu Monica inda lebadu ku vida  pa ospital.

Jorge era di Renque Purga,  Concelho di Santa Cruz, y ta y trabadjaba komu kondutor na Firma Correia, na Praia, enkuantu Monica Fernandes era di Veneza,  na  S.Domingos...  Siúmi  podi sta na origen di es  tragédia y tudu ta indika ma foi un  un kazu pensadu ja ki Jorge tinha gazulina ku foz na karru.

MONICA DEXA UN  FIDJU-FEMIA   DUENTI DI  3 ANU...
Monica era fidju, mai, amiga, kolega...
Si morti brutal dexa Veneza di lutu, mas tambe ê dexa  un kriansa dizamparadu  ku prublema di saúdi.

Monica Fernandes  teneba viagen  markadu  pa  Dakar  pa kuarta-fera 05 di Julho  pa ê leba  pa konsulta  si fidju-femia Mirele di 3 anu di idadi  ki ka obi ka ta papia... Di akordu ku  familia  Monica  batalha  txeu pa ê rializa es si sonho di bai konsulta si fidju-femia na Dakar, mas mesmu es sonhu ê negadu...

Ê pa ki tudu  esforsu di es joven  mai  ka fika en von ki  alguns di si amigos y kolegas   lansa un kampanha pa djunta algun dinheru  pa  manda es kriansa pa Dakar kunpanhadu di un irman di Monica ( basta muda nomi di bilhete)  mas inda sta falta txeu  kompleta  dinheru  pa paga  estadia y konsulta na Dakar.
Kenha ki kré da un djudinha   mesmu  si ê poku pur favor  kontakta Romine Correia Romine  y  Simone Carvalho na CV ou Diva Dias  na Portugal. Fonte:ok