Es jovem é natural di Mosteiro, ilha di Fogo...
"Boa tarde pá tudu caboverdianos, sta tá manda és mensage Pan mostra nha desagrado cu totoloto nacional, ami un fase nha aposta quinta feira li na Mosteiro, el enviado sexta feira logo sedo pá S.filipe, só que lá na S.filipe como és abusado mesmo sabendo de previsão de tenpo que dja staba informado pá tudu população de Cabo Verde má sábado e domingo du tá passaba pá un tropical li na ilha de Fogo e como tinha voo sexta feira de tarde és tinha tudu chance de envial pá Praia na sexta feira pmod speraba pá envial sábado bu tá correba un grande risco derivado a mau tempo que dja du staba informado, infelizmente un caba de fase 6 ponto na totoloto, mi nem cá sabia se de ilha do Fogo cá foi enviado pá Praia, el panhan de supresa, mi djan txecaba nha papel un fica sem sabe cuse quin tá fase"
Alegria ki bira tristeza
ta fla ma kantu é descubre me certa numeros di Totoloto, me fica queto y é cá fla ninguem... "un dura tá djobe si é certo, se mesmo real, Un dura cu acredita má e realmente 6 ponto. Un fica contente logo un fla pá nha irmão e nha colega de trabadjo que nu fase aposta djunto, Du djuga un desdobramento de 6 mil escudos"
José dja staba preparado pa comemora, mas infelismente bem mau noticia... "Mas logo segunda feira de sedo mas un nha colega trabadjo de bila fran má totoloto de Fogo cá da entrada na Praia du bai tá pergunta du confirma má e mesmo verdade, un fica desgostado de nha vida un fica desorientado sem sabe cuse quin tá fase. Un fica triste, fica cu agu na odjo dipos guentes fica tá fran pan ca desanima pmod un tene nha papel que tá confirma má tene prémio, mas mi fica desorientado. Ami dja ten 2 noite un ká tá consegui durmi."
José dja tem txeu tempo ta tenta es sorte, y na momento ki txiga si vez di ganha ta contice es infelicidade... Nu perguntal si é mai na casa di aposta pa sabi kuze ki passa, é fla... "Ya bai sim mas és fran má papel ca bai Praia pá motivo de força maior pamod tinha mau tenpo sábado voo cá bai pá Praia, un fras pamod ques cá envial sexta feira de tarde pá Praia mas és fran má quela go só na S.filipe és pode fran cuse que passa, triste pmod tinha 2 vou sexta feira de tarde, cu previsão de mau tempo pá sábado és tinha que mandaba el sexta feira na nha ponto de vista"
Pagina di Totoloto comunca pa pessoas ki faze aposta na ilha di Fogo pa dirige pa casas undi es faze aposta pa es toma ses dinhero di aposta, visto ki kes boletim ka bai pa Praia pa kestons di força maior. Nu perguntal kuze ke ta pensa disso, é fla... "Guentes totoloto sta fra mas quela cá pode ser verdade pamod mi tene nha papel tudu cu carinbo de totoloto, forma de guarda papel ou envia papel e problema de totoloto ou de cruz vermelha, mi un djuga quinta feira passado, és que devia mandal Praia na hora"
José kre justiça
É fla ma é ka ta dexa isso passa sem é faze nada... "Un sta lebas justiça nem sim perde mas tá luta te fin, mi nha sorte era queli cá tá ben mas, djan dura tá djuga desdobramento, djan gasta txeu dinheiro na el, gossin deus dja ben dan quel chance un ca tá deixal bai en vão, un tá luta te fin"
»» As 3 musicas preferidas de Beto Dias são... ««
COMMENTS