"Kretxeu"

Se um dia nha magoa for maior k nha alegria, juram mo ta ser nha sol de 3h tarde

"Kretxeu"

Se um dia nha odjo intxi de lagua, prometem mo ta ser lenço k ta enxugam el gota a gota

Se um dia nha sonho fusca, prometem mo ta djudam sendel de ponta a ponta

Se um dia nha magoa for maior k nha alegria, juram mo ta ser nha sol de 3h tarde..
Juram mo ta kentam sem quemam.

Se um dia nha vida perde sentido, prometem mo ta ser nha bussula
Kenha k ta guiam e ta trazem de volta pa nha rota...

Se um dia nha curba tremi cima barra berde,
Juram mo ta pegam forte na mo pam ka perde

Se um dia ntiver medo de sonha,
Carragam na bus braços bu trazem de volta nha sonho rosado

Se um dia, se um dia bu chintim ta soltau bo mo...
Juram ma na kes dias bu ta amam mais do k nunca
Juram ma na kes dias bu ta lembra de tudo k nu vive e bu ta sofri pa nós 2

Es flam pam ka contenta so ku dia de sol
Man debi costuma ku kes dia k txéia ta corri na ladera e ta straga tudo k é atxa pa frente...

Coitados ka sabi. Kretxeu, coitados ka sabi ma ku bo si kre mundo bira pa deparbeça, sikre fonte bira ta tra agu gota gota, sikre ntem 10 diá ta spera kel k nprometedu... nstaba feliz sime.

Ku bo nprende ma tudo sta na nós mo, ma sorte grande nu ganhal na kel diá k nu conchi.
Bo é nha sorte grande.
Ntem certeza man ganhau na lotaria!'

Dicla Gonçalves