Bu merece um Homi

Bu merece um homi k ta correu mo na bu celulite ku mesmo desejo de k kanto es ka existia

Bu merece um Homi

Bu mereci um homi k ta djobeu na fundo de Bu odjo ta fla ma é kreu
Bu merece um homi k ta flau ma bu sorriso ta brilha mais bonito k tudo strela na ceu

Bu merece um homi k ka ta skeceu
K ta lembra de bo tudo bez sol ponta na ocidente
Bu merece um homi k tem sede bu gargalhada, k ka ta faze questom de teneu obidiente na si bera...

Bu merece um homi k kreu
k kreu ku sedi k nunca ta sasiá
k kreu sem medo de desmereceu

Bu meste um homi k ta embalau na sis braços
K ku si graça, bu ta skeci bu cansaço..

Bu merece um homi k ta correu mo na bu celulite ku mesmo desejo de k kanto es ka existia
Bu merece um homi k ta apaixona pa bo tudo dia, ate horas k bu desiste de bo mesmo

Bu meste um homi k ta apreciau cima k bu fosse quadro mais bonito do mundo
K ta obiu ku mais paciencia de k menino horas k kre um mimo de si mae...

Bu merece um homi k ta pegau na braços e ta fazeu acredita
Um homi k ta dá si vida po ka tchora...

Um homi k ta kreu tudo dia,.tudo minuto...
Um homi k ta odjau na bu odjo e ta flau mil kusas k ta lebau lua..

Um homi, um homi...
Hey, bu merece um homi.
Alto, baixo, magro ou gordo, mas k kreu de verdade..

Bu merece um homi. um homi k ta djobeu na bu odjo e k ta fazeu acredita ma bu pode tudo.

Mudjer bu merece um homi.
Alguem k ta respetau, ta valorizau
Ta inchinau dá gargalhadas
Ta kreu ku mesmo paixom de kel de primeiro dia..

Um homi, kel tal corajoso k ta mantem es chama viva na bo, tudo dia de bu vida.

Ka bu contenta ku pouco.
Bu merece um Homi.

Dicla Gonçalves