Dinheru, Bo ke rei di matxona
DINHERU
Dinheru
Bo ke rei di matxona
Ki raparti mundu ku Xuxu
Ki sipara Frank ku Txitxu
Dos amigu di kopu
Ki satadja korpu
Pabia txas kan
Sinku tison di grogu
Dinheru
Ki sega omi
Ki rinka saúdi
kumpra kaxon
Maz troku ka resta
Pa kumpra lugar na séu
Ah, dinheru
Bo ke madrinha mundu
Benson di guentis branku
Ki renkia eskudu na banku
Ki dexa tudu koitadu mudu
Dinheru
Bufunfa prufumadu
Ki fazi omi ku mudjer
Kaba ku relasionamentu
Es djondju alma es bendi na infernu
Es troka filisidadi s'es mininu
Es rinka alegria s'es funku
Es koronpi alma ti koketa
Dinheru
Difísil atxau bu torna un luta
Malandras djunta djes nega labuta
Otus ate dja bira puta
N skrebi N mandas rekadu
P'es ka trapadja ku amor kumpradu
Pabia dólar ka ta fazi perdi medu
Nem ka ta kumpra saúdi di volta
Dinheru
Ki fazi omi bira brasa
Ki pega mudjer bira lumi
Satanás na strangeru
Ta txustxusi ora ku dólar ora ku euru
Mundu djunta bira tudu bakan
N das konsedju alguns ki sakutan
Dinheru
Ki dexa tudu fidjú ku xintidu
Na eransa di pai ki mori sen speransa
Kes mas spertu kumpra bíblia lê soletradu
Mas pekadu tantu txeu ka traze's bonansa
Kes ki konforta nhemi arós ku bongolon
Raza pedi Dios pa ka dexa's ba pa cobon.
Otor: Selson Batalha
Dinheru
Bo ke rei di matxona
Ki raparti mundu ku Xuxu
Ki sipara Frank ku Txitxu
Dos amigu di kopu
Ki satadja korpu
Pabia txas kan
Sinku tison di grogu
Dinheru
Ki sega omi
Ki rinka saúdi
kumpra kaxon
Maz troku ka resta
Pa kumpra lugar na séu
Ah, dinheru
Bo ke madrinha mundu
Benson di guentis branku
Ki renkia eskudu na banku
Ki dexa tudu koitadu mudu
Dinheru
Bufunfa prufumadu
Ki fazi omi ku mudjer
Kaba ku relasionamentu
Es djondju alma es bendi na infernu
Es troka filisidadi s'es mininu
Es rinka alegria s'es funku
Es koronpi alma ti koketa
Dinheru
Difísil atxau bu torna un luta
Malandras djunta djes nega labuta
Otus ate dja bira puta
N skrebi N mandas rekadu
P'es ka trapadja ku amor kumpradu
Pabia dólar ka ta fazi perdi medu
Nem ka ta kumpra saúdi di volta
Dinheru
Ki fazi omi bira brasa
Ki pega mudjer bira lumi
Satanás na strangeru
Ta txustxusi ora ku dólar ora ku euru
Mundu djunta bira tudu bakan
N das konsedju alguns ki sakutan
Dinheru
Ki dexa tudu fidjú ku xintidu
Na eransa di pai ki mori sen speransa
Kes mas spertu kumpra bíblia lê soletradu
Mas pekadu tantu txeu ka traze's bonansa
Kes ki konforta nhemi arós ku bongolon
Raza pedi Dios pa ka dexa's ba pa cobon.
Otor: Selson Batalha
COMMENTS