Konxi es kriola/merkana ki kré fazi diferensa na Cabo Verde

Kiyeeda di ana ê dona di un rezidensial na tarrafal

Ê rezidensial /hostel  “Pontu D’Nkontru”  na sidadi  di Tarrafal, na ilha di Santiago./

Kyeeda Di Ana ê fidju di kabu-verdianos  mas ê nasi y ê kria  na Merka  ti ki un dia ê disidi  finka pé na terra di si antepasadus undi ê txiga ku un  mestradu na kumérsio imobiliário  mas sen ninhun informason di modi ki negósio ta funsiona na Cabo Verde. ..Ê kumesa ta trabadja pa un residensial portugés na Praia ti ki  un dia kansada di odja portugés ku xinés  ku libanés “ta toma konta terra” ê  disidi abri si propri establesimentu. ...Ka foi fasil pamodi língua, pamodi  burokrasia  pamodi   falta di “conection”   mas ku forsa y determinason Di Ana finalmenti konsigi rializa si prujetu y oji  “ Pontu D’Nkontro”  ki sta  situadu a 4 minutos di bunitu praia di Tarrafal  torna nun “pontu”  importanti  pa  dizenvolvimentu di turismo nes konselhu.

“ CABO VERDE Ê  SIMA UN  TELA EN BRANKU “
...Nel  bu podi pinta bu propi futuro ( basta bu atxa, bu kria ou bu mistura bu propi tinta) .  Pa  Di Ana kel li ê kuza + interasanti  ki ten pa kenha ki kré abri un negosio na Cabo Verde undi ê ta fla ma embora tudu ta parsi difisil  “nada ka ê imposivel”

... Mas es joven kriola/merkana   ki troka Dallas pa Tarrafal  ka kré so ganha dinheru na Cabo Verde nau ... Ê kré fazi diferensa... y  komu ê odja ma kriansas na tarrafal  ka ten mutu  kuza di fazi dipos di skola ê disidi da lison di dansa pa menininhas di 6 a 12 anu ( E ta enxinaz dansa afrikana, jazz y hip hop).
Si un dia bu pasa pa Tarrafal  vizita  Pontu DNkontru  y bu ka ta fika diziludidu. Fonte:ok