Guverno ka sta ben tulera “assédio a turistas”...

Modi ki governo ta ben impidi turistas di ser “asediadu” ê kuza ki UCS ka fla

Primeru ministru di Cabo Verde dja aviza:
GUVERNO KA STA  BEN TULERA  “ASSÉDIO A TURISTAS”...
Embora ten txeu turistas ki ta viaja sen kompanhia y ki ta gosta di ser “asediadu”,   verdadi ê ki es “asédio” al-ves ta ultrapasa limiti  kuandu pur izemplu un “konkistador” ta pasa horas y horas ta “xatia”  un turista ou kuandu un bendedor ambulanti  ta anda 20 ou 30 minutu na ladu di un turista antis di ê dizisti di bendel un bugiganga  kualker  nun praia di Boavista,  Sal , S.Vicente ou Santiago ...

Talves sienti ki es komportamentu podi ben prejudika turismo que Ulisses Correia e Silva ta fla ma ê “atividade central da estratégia de desenvolvimento de Cabo Verde” , sienti di impaktu negtivu di es korportamentu Ulisses Correia e Silva fla ma si governo  ka sta ben +  tulera es tipo de asédio  : “ O assédio a turistas não vai continuar a ser tolerado”.

Modi ki governo ta ben impidi turistas di ser “asediadu” ê kuza ki  UCS  ka fla, mas provavelmenti ê un medida  ki ta ben studadu djuntu ku Camaras Munisipal na implementason di ses lei di “postura municipal”.

Mas ê ka so  bendedoris ambulantis  ( africanos di kosta d’Africa mas també kabu-verdianos ku ses pésa di artezanatu )  ê ka so bendidoris ambulantis  ki ta asedia turistas  na Cabo Verde .. Ten otus ( omi y mudjer)  ki ta asedia  turistas pa bendi sexu ( prustituison ê ka proibidu na Cabo Verde)

TURISMO SEXUAL  Y XPLORASON DI KRIANSAS
Dja dura ki Cabo Verde kolokadu na rota di turismu sexual  y ultimamenti ovi até  alguns  denunsias  di  xplorason di kriansas  pa turistas na merkadu  di sexo tantu na ilha di Sal, komu na Santiago y S.Vicente, denunsias ki governu finji ka obi  y ki si invistigadu ningén ka sabi.

Di forma ki pa alén di pruteji turistas di tudu tipu d’asédio ou di pirsigison,  governo debia  també  priokupa ku pruteji nos kriansas ku nos  adolesentes  di tudu tipu d’abuzu ou di xplorason di parti di turistas ( So ki sobri es asuntu  nos primeru-mnistru nada ka fla) fonte:ok