"Mundo di DeeJay tambem tem espaço pa Mudjer" - Dj Kriolabeats

Nkre ser um di kês midjor deejay femenina de Cabo Verde, ser reconhecida e toca na maiores palcos.

Nha nome é Paula, conchedo pá Paula Tavares na antenas de radio, e Dj Kriolabeats na mundo di deejay, ncomeça integra na musica desde cedo, ku 19 ano npartecipa na um concurso na radio ki era pá ser locutora e nkaba pá fika... Nfoi estagiado pá um de kes grandi deejay na Cabo Verde, Dj Vava e também pá Idell Monteiro.

Amando musica nkis bai mas além, nka kiz toca so por trás de antena, Dila surge paixão pá ser deejay,  uns tokes pa li outros pa la, isso torna parti di nha mundo...

Nes percurso nta agradece di fundo korason Dj Edy, Dj king, Dj swag, DjMáster D, Dj Oda, Dj Gelson, Dj Lucky... E mas minis també ki djudam nes caminhada, pamodi es dam kel mural kim mesteba.

Hoje nta toca na festas, atividades e alguns descotecas. Nhas grandes inspiraçons é dj vava, dj pensador e Dj Juice M.

Nha foco sta na prende cada dia más e más e ser um di kês midjor deejay femenina de Cabo Verde, ser reconhecida e toca na maiores palcos.

Nu perguntal: modi ke sta na um mundo ki é dominado maioritariamente pa homem?

É responde: Me nta atxa ma deejay é ka um profissão só pa homi. É um função ki pode ser exercida pa ambos os sexos. Mas talvez é pmd deejay ta sta na Tudu festas, altas horas, Mas pa mi kela é um kuza normal. Mudjer basta sabi respeita se profissão é podia ser dj.

Fala modi ki sa ta ser es fusão, es rompimento di tabus?

Paula Tavares: Sempre hora Kim bai toca na um lugar nta recebi feedback de pessoas, tipo uauuu nunca um odja um mudjer dj, e nta fika sempre ku kel mural e autoestima la di riba. E nta atxa ma meninas ki tem sés sonho de ser dj ma es debi sigui em frente. Tem uns rapaz ki fla ma nta cabas ku carrera (riso).

Hora ki surge algo diferente bu ta fazi diferença, Ka tem nada ki ta impidim di bai más alem. Critica ta tem, más primeiro kuza Kim prendi foi recebel di cara levantada.

Algum vez djo pensa na diziste?

Paula Tavares: Nunca npensa na desiste, sempre ta tenta supera cada dia.

Kuze ki ta motivou?
Ki ta motivam é sabi ma li na Cabo Verde mudjer sta meste destaca más na algum área ki na vista de pessoas é só pa sexo masculino. Nkre ser exemplo pa outras.

Kal ke maior dificuldade?

Na momento nka Sá odja dificuldade! Antes era nha filha pmd nka ta atxaba responsável sai bá toca e dexal, mas ael é nha motivação hoje em dia.

Kal paixom ki bu tem pa radio?

Nha paixão pa radio, radio é nha casa! É la Kim ta xinte kenha ki mi é.