"Nes terra o pobre cada vez mas pobre, e o rico cada vez mas rico" - Dezabafu di um jovem

"Nhos sta farto mas tem kenha k teny fome..."

Dezabafu di um jovem seguidora di nos pagina, é fla:

Oi, boa tarde, mi nka ta intende, é ka so mi, nenhum jovem ca sta intende pmd k nos pouco dinhero k nu ta atxa k ka txigano nem cumi dreto, pmd é txorote de mama cu papa k ta trabadja durro tudo dia de sol a sol, ainda nu tem k devide cu stado.

É uma vergonha pa empresas ta abri concurso so faxada, so txolda so mentira, nu ta tra nos pouco dinhero k mama ku papa ta bai busca nu ka sabi nem na undi, nu tra documento pa nu entrega na concurso, nem resposta nu kata dadu k fari pa nu selecionado, tem kes k kel dia k tra documento é kata janta pmd kel pouco k tinha é tra documento, nu ta guarda documento na casa 3 mês é ta caduca, otu empresa ta abri concurso ta tonda pide nu ta tonda toma kel dinheirinho de mama cu papa, ta tonda tra kel dinheiro k secalhar era pa aroz ta danu, nu ta tonda tra nu ta entrega, nu ta deta cu fome, anos, mama, papa, irmãos... e por aí vai é sempre mesmo rotina.

Ainda por sima tem kes k é mas basofos k ta abri concurso pa 3 dia, ta pide tudo kes documentos k nu tem k ba paga pa tra , inda pa bu spera mas de 3 dias pa bu dadu logo se vê me ca abri concurso pa concuredo, pmd?? Pmd é teny se alguém de poi é sta na faxada, mas até aí tudo bem, bu ta poi kenha k bu cre, mas pmd k bu ta poi alguém ta tra documentos ta gasta um monte dinheiro si bu teny bu alguém de poi? 

Agora nha questão é:
Mod que nu ta fazi pa nu concorre si documento nu tem k ba tra??
A resposta até podia ser ma nu tem k teny documento em dia, mas se assim for, nta torna pergunta, cu cuze??? Pa cuze??? Pa nu poi na casa ta txoca??? Undi k governo sta afinal?? Es cusa ca tem controlo???

Nhos fazi nhos faxada sim, mas sem mexi cu bolso de coitado, nhos seja mas humilde, nhos pide kes documentos k nu ka tem k paga pa nu tra.

Nes terra o pobre cada vez mas pobre, e o rico cada vez mas rico... Keli sta meste djobedo pmd ka sta dreto.

Um apelo só pa empresas privadas e entidades publicas, Nhos respondeno pelomenos nos email... nhos fla ka sta vaga pelomenos keli. Nhos sta farto mas tem kenha k teny fome..."