Un dador anonimu manda 1.500 euro pa es kazal Kabuverdianu ki ta vivi na Suiça

Dador anónimo so skrebi ma pa el partilha ta fazel feliz .

Ê Kelton ku Nadia Borges, ki ta vivi na Valais, na Sul di Suiça.
Kelton ku Nadia bai pása feria na mes di Dezembru na Argentina ku ses fidju-fémia Cataleya mas es pasa pa un grandi “stress” na hora di regresu pa Suiça na mes di Janeru na aeroporto di Buenos Aires pamodi es ka sabia ma es tinha ki paga + 1.500 euro pa viagen di regresu di Cataleya ...E ki na hora di partida pa Argentina Cataleya inda ka tinha 2 anu y ê viaja na ragás di si mai ku pai sima ta pirmitidu mas komu Cataleya festeja si sugundu aniversario na Argentina ê tinha ki ten un bilheti so pa el pa ê podi regresa pa Suiça ... Felismenti Kelton, ki ê karpinteru, tinha dinheru pa bilheti mas pa alerta otus kazal ki ta viaja ku kriansas es bai konta ses storia nun jornal lokal.

“PARTILHA TA FAZEN FELIZ”
Kuarta-fera pasadu kazal Borges resebi un karta di un remetenti anónimo ki di seru forma panhás di surpreza: Dentu di karta staba un karton di Feliz Aniversario pa ses Cataleya y 1.500 euros en dinheru ( 165 kontu CV). Dador anónimo so skrebi ma pa el partilha ta fazel feliz ( Partager me rend hereux).

Kelton ku Nadia ta agradesi sabendu ki oji en dia ê difisil odja algen ton dizenteresadu y generozu .
Mas inda ten.
Ou nau ?

fonte:ok