Fidju di kau-verdianus di Fogo
Stória di Patrick ê stória di un kriolu ki nasi na stranjeru y ki ka perdi si raiz , mas tambe ê storia di un joven ki konsigi kanaliza energia puzitivu di redi sosial pa uni kriolus na mundu interu a favor di un sosiedadi + justu y + solidário...
...Fidju di kau-verdianus di Fogo, Patrick Rodrigues nasi na Brockton, na Merka, undi na mei di kumunidadi ê ganha es prufundu amor pa Cabo Verde y es spritu di entri-ajuda ki nu ta txoma djunta-mó...Ê es “sentimentu kauverdianu” ki lebal a djunta pa kria na facebook Cape Verdean Beautiful People (CVBP) un página di y pa kabu-verdianus ki na 4 anu ganha simpatia di + di 86 mil sigidor.
UNIDUS KONTRA POBREZA...
Objetivu di Patrick Rodrigues ê ka sô uni kabu-verdianu ki sta spadjadu nes kautu kantu di mundu...Si objetivu ê tambe uza tudu es forsa y energia puzitivu pa kria un inpaktu na vida di pesoas, prinsipalmenti na Cabo Verde undi ten txeu familias ki ta luta tudu dia pa sobrivivi... Ê pa kunpri es “tarefa” ki es joven konsigi angaria 10 mil dolar ( 990 kontu) ki ê leba pa distribui pa pbres na Cabo Verde .
TEN FOTOS KU VIDEOS PA PROVA...
Na Fogo ku Brava ê entrega donativu y alimentu pa bedju ku kriansas, na bila di S.Filipe ê da Bebé dinheru pa bai opera un tumor ki es mudjer ten na piscoz, inda na bila ê da Maria dinheru pa kunpra material pa fazi si bolu pa bendi pa sustenta familia, Fatima un sinhora di uns 60 anu ki sta bebeba alkuol pa kombati dor di denti finalmenti kumpra si ramedi y ê fika livri di debida y Nhu Manuel ki ta kria 4 subrinhu finalmenti konsigi ekl dinheru pa ê poi si luz y kunpra algun kumida pa mininus, enkuantu Zizi di Maria Boneca, 77 anu d’idadi, na foto, finalmenti ta ben odja si kaza remodeladu grasas a un video di Patrick ki leba artistas di Brockton a labanta pe di txon pa angaria 2 mil dolar a-favor di es senhora d’idadi ki ka ten ningen pa djobi pa el ( irmons di Zizi dja ten + 40 anu ki sta na Merka y si uniku fidju mata kabésa)
Ê DEUS KI STA UZAN PA N’KUNPRI SI MISON NA TERRA...
Ê si ki Patrick ta rispondi horas ki bu perguntal kuzé ki sta motival pa djuda pobres na Cabo Verde... Ê ta fla inda ma es prujetu “ê un inspirason di Deus” y ma pa alen di es ajuda material ki ê inportanti , tambe ê inportanti mostra kel amor y kel karinhu pa nos kriansas y idozus pa mostrás ma es ka sta abandonadu nes mundu. Fonte:ok
COMMENTS