Elida Almeida reagi sobre u ki kontice na Fogo... "AMI E SER UMANU"

ninhum ser ka ta gosta di kelotu ta dizejal mal ou ta faltal ruspetu!

Elida Almeida bem publicamente ta esclarece u ki kontice na ilha di Fogo...

"Antis di mas nkre agradici tudu alguem ki di um forma oh di otu mostra solidariedadi ku mi... nes dias um bokadu margos!

Dia 30 di Abril, nbai pa Ilha di Fogo pa participa na Festival Nhu São Felipe, um ilha ki ta recebem sempri sabi, ku txeu kalor, na tudu kes cidadi ki djam nbai!

Na ora ki Sound Check nfoi agredida ku Garafa pa um Duenti Mental ki sigundu es fla di Nomi "Fudó" ki dja tem storiku di agridi psoas pa Sisi, pmd el eh um perturbasom mental.

Eh agredim ku txeu forsa, fazem um himatona grandi na kabesa.... ki fazem txeu dor... ma grasas a Deus nbai pa Ospital nfazi Xapa, nada di gravi ka kontisi.

Mesmu asim ku txeu dor, nsubi palku, nfazi nha trabadju... principalmenti pmd ela e um psoa ku perturbasom Mental, kuze ki kontisi ku mi pudia Ser ku kualker otu alguem!

Duranti atuasom tevi um pagina "Não oficial" ki Transmiti Live di nha Show... sem Permisom di nha Produsom.... i duranti live tevi komentarius um mas gravi ki Kelotu, Ki dexam txeu tristi pmd riba di tudu
"AMI E SER UMANU" i ninhum ser ka ta gosta di kelotu ta dizejal mal ou ta faltal ruspetu!
I mas gravi eh ora ki kes psoas ka konxeu, ka sabi dundi bu bem, ka konvivi ku bo.... i purgunta ki ta bem pa kabesa eh pmd es atitudi!

Mas gravi pmd bo MUDJER bu tevi es atitudi!
Di restu nta dexa ku nhos, nhos rifleti di komportamentu ki nhos tevi, si bali pena, kuze ki nhos ganha, kuze ki nhos perdi tb, i Diskulpa eh um kuza sabi di obi, ma po tem certeza ma ka ta Kontisi manham nem ku mi nem ku Palu nem ku Manel.

Obrigada pa tudu suporti, pa tudu karinhu, pa forsa, pa prekupasom ki nhos tevi ku mi, ka nu paga lumi ku lumi , ntom ka mesti koba, ka mesti generaliza, pmd sempri ntratadu dretu na Fogo!

Nka tem palavra pa agradici nhos, nhos ta fazem xinti Ispicial"