Dja ka é primero vez nem segundo vez k nhos sata atingi es artista cabo-verdiana k tanto tem feito pa nos cabo verdi
"Boa noite. Midjor anonimo,
Antis de onte elida almeida (já agora ki ta skrevedo ku E não ku H pa kes pessoas li dbaxu na print d comentário), stive na fogo na festa nhu são filipe pa atua na festival dila.
Na hora de fase som, elida foi atingido ku un garafa pa un pessoa, di nome Fudo, ku perturbação mental na local, e graças a deus ka kontisi nada dmas, e el sta dreto. é bai fase show mas logo na festival dpox de tudo isso, por amor a kel ke ta fase i pa consideração a sis publico.
Na festival staba pessoa ta fase um direto k sta na pagina FESTA NHU SÃO FILIPE na Facebook, (nhos pode bai la confiri), pa da pessoa k sta fora de ses ilha e não so, k por motivo o otu ka pudi bem festeja festa de ses municipio conhecer d kzas mode k sta corri. Durante direto tinha la um população bastante jovens (homis e mudjeres) sima nhos pode sta odja na print d baxu principalmente de ilha de fogo, se não me engano era so es k staba la, ta ofende, ta falta respeito, de pior manera possível, um alguém k nem se quer es ka konxi, es ka tem nun intimidade, e nunca es tivi nun tipo de relação.. de baxu sta print ku alguns comentários feito pa kes jovens k staba na direto, nka nem poi tudo pmd era ate dmas.
Ago pergunta k ta sai dili é?
Mode k um pessoa ta ser agredido pa um alguem ku perturbação mental, e tanto alguem ta divirte ku es kusa i ate ta manda pa ripite?
Pmd kz k kes jovens fala td kes tamanha barbaridade li a respeito del?
Pmd k un alguém k ta dedica si vida, ta fase kusas ke ta gosta pa agrada jovens pa agrada mundo, i tanto pessoa ta desejal mal des manera?
Kz k sta passa na kabesa d nos jovens de hoje em dia?
Na kz k socialmidia sta transforma nos jovens?
Sera k tudo kel kes fla é so pmd es staba na vibe de festival ou es é mesmo kel tipo de alguen la na ses dia dia?
Txeu d kes jovens ku filhas irmas mas pikinoti, mae, madrinha, e pior de tudo es um MUDJER ta fala tanto barbaridade sobre mudjer?
AGO NU REFLETI
Nhos atxa ma nhos fase dreto? Nhos ta xinti feliz na sabe ma nhos pode magua un alguen tanto ku comentários do tipo? Nhos sabi kz k un alguen na palku ta da td di el pa fase pessoas xinti sabi feliz, i bem odja si show mode k foi pa atxa td keli a si respeito? Kal k foi ganho d nhos parte a kobal des manera? Já agora algun d nhos dono d kes comentários absurdo li si nhos kustuma tem algum convivência kual nhos konxel? Ntom pmd tudo isso? Si fosse nhos nhos ta gostaba k pessoas fala tanto mal dnhos si sem motivo nenhum, se fosse nhos mai nhos ta xintiba sabi si fosse nhos irmã nhos ta gostaba?
Pmd k nhos fase isso? pmd nhos sta por detraz de um ecrã de telemóvel? Pmd nhos tem livre arbrito de fl kz k nhos kre pmd internete e móvel é d nhox? I nhos ka ta preucupa pa um minuto de lembra ma na kel direto milhões de alguen sata odja nhos ta fala tanto porcaria de nhos boca des manera?? Kal ke reputação k pessoas moda nhos sata tenta construi.
Pa kes mininas, d nhos parte é mas triste pmd um mudjer ta fala tanto porcaria, ta fala tanto asnera pa un mudjer, mas feio ainda, ki tipo de mudjer k bo é? I kes rapazes? Kal k enhos prepósito?
Dja ka é primero vez nem segundo vez k nhos sata atingi es artista cabo-verdiana k tanto tem feito pa nos cabo verdi, k dja leba nos cultura pa muntons de parte de mundo, k tudo dia nu devia orgulhaba pa kz k esta fase pa nos pais, mas não. I nhos ta sta sempre traz d um motivo pa nhos atacal i invade ate si vida privado, pa ofendel pa cobal, pa tenta pol pa baxu o que bastante triste.
I ka é so el, é txeu artista i txeu pessoa na dia dia k nhos ta magua nhos ta infirioriza e nhos ta maxuca k unhos boka, i nhos ka ta pensa na consequência de tudo isso. Como es é artista dja es ka ta pode risponde nada, ou manifesta nada nhos ta aproveita disso p anhos apunhalas, i nhos ta skesi ma es é ser humano sima nhos ku sentimento i ku fragilidade k pode magua k ta xinti dor.
ANTIS DE NHOS FALA O FAZ EUN KUSA, NHOS PENSA 3 KUSA
- E IMPORTANTE KZ KIN SATA BEM FALA?
- TA FASE ALGUN ALGUEM BEM?
- TA DJUDA NA ALGUN KUSA
SI NÃO kala boka
dja txiga mare de nhos para ku isso, para ku maltrata pessoas k ka fase nhos nada, para de ofende pessoa so pmd onda de redi social, nhos para de invadi vida de cada um."
print envido por autora di es texto, foi print ke tra durante live ki contice na facebook.
COMMENTS