Luxemburgo: Kriola Mónica Semedo ê kabésa di lista di si partido pa eleison europeia di es dia dimingu

Ê segundo bes ki es ex-jornalista y antiga aprezentadora de televizon sta entra nun korrida eleitoral

Luxemburgo
KRIOLA MÓNICA SEMEDO Ê KABÉSA DI LISTA DI SI PARTIDO PA ELEISON EUROPEIA DI ES DIA DIMINGU
Ê kré un Europa + inkluzivu, ki ta ruspeta dignidadi umanu y direitu di minorias, ku + oportunidadi pa jovens y ku un midjor sistema di saudi.
Mónica Semedo, 34 anu d’idadi, na foto ku kriansas di Aldeia SOS di S.Domingos na 2016, Mónica Semedo ê un di kes 2 kabésa di lista pa eleison europeia di Partido Democrata (DP) di atual primeru –ministro di Luzemburgo Xavier Bettel... Eleison sta markadu pa dia dimingu 26 di Maio y Mónica sta spera ma ê ta bai ser un di kes 6 deputadu ki ta bai reprezenta Luxemburgo na Parlamento Europeu.

Ê segundo bes ki es ex-jornalista y antiga aprezentadora de televizon sta entra nun korrida eleitoral na Luxemburgo ( primeru foi na “legislativas” di Outubro pasadu mas ê ka foi eleita) .

Fidju di mai ku pai kabu-verdianu ki imigra pa Luxemburgo na anos 70, Mónica ê konxedu na Grão -Ducado desdi mininu kuandu ê entra nun konkursu di vozes y dipos a-partir 11 anu e pása ta aprezenta na televizon un prugrama pa kriansas ( ti es data Monica ê uniku “strela” infantil di televizon na Luxemburgo).

Anu pasadu Monica ki ê lisensiada en Ciencias Politicas pa Universidade de Trier dexa si trabadju di jornalista na RTL pa ê dedika a politika ( Dipos di ka ser eleita na legislativa ê foi nomiada xefi di kumunikason di agensia guvernamental "Luxembourg for Finance" )

“MI N’TEN 2 PÁTRIA “
Luxemburgo ku Cabo Verde...
Ê si ki Monica ta fla, mas ê ta distrinsa ma si temperamentu ê di sertéza cabo-verdiano. .. Es “tenperamentu” , es vontadi di luta pa milhora vida ê ta fla ma ê erdal di si mai ki trabadja trabadja trabadja na linpéza pa kria 5 fidju menor ( Si pai ki era prufesor na CV bai trabadjaba na andaimi na Luxemburgo mas ê morri nun asidenti na Cabo Verde kuandu Monica era inda mininu).

Ka foi fásil...
Ku 2 anu Mónica podu nun Lar di kriansa djuntu ku si irmans y la es pasa 5 anu ... Kuandu es volta pa ses mai es tevi ki prendi kriolu otu bes pamodi es ta papiaba so luxenburgês...Konxi sugundu Pátria foi mutu + tardi y si ultimu vizita a Cabo Verde foi na 2016 komu Embaixadora di Aldeias SOS... Y sima ê djuda Aldeias SOS di Somada ku di S.Domingos tambe ê kré djuda otus kriansa pa ten un futuru midjor.

Si kauza?
Si kauza ê ta fla ma ê “djuda pesoas muda di vida” sima si mai ku si pai fazi kuandu es sai di Cabo Verde pa bai djobi un vida midjor na terra stranhu sen sabi dretu kuzé ki sta pa dianti ( ê es izenplu di si mai ku pai ki ê fla ma ta dal kel forsa pa ê dexa 22 anu di trabadju estável na televizon pa ê aventura na politika) fonte:ok