Mc Tranka Fulha Sta "indignado", dipos di sabi mé foi iliminadu di festival Gamboa

Txeu pessoas reclama preço, mas kela ka foi alteradu

Ê fla ma ê sta  “indignado”
MC TRANKA FULHA  ILIMINADU  DI  FESTIVAL DI GAMBOA 2019...
Si nomi foi anunsiadu pa veriador di kultura di Kamara di Praia  komu un di kes  figura di kartaz di  “Gamboa Jovem “  na tardi di dia dimingu 19 di Maio,  mas aparentimenti  organizadoris  di   eventu muda d’ideia y es retira MC Tranka Fulha di lista di  konbidadu kuandu  rapaz dja sta na Praia preparadu pa  festival.

 Motivu ?
Sertu sertu inda ka sabedu mas di akordu ku entrevista di si manager Daeves Carvalho na Radio Cidade tudu ten a ver ku “sensura”  dipos di kumentários na redi sosial di ki mensagens  ki  autor di  “Tranka Fulha”  ku “Mama n bua” ta trasmiti na si muzika  ka ê adekuadu pa kes kriansas  ki purventura  podi  kontinua na Gamboa dipos di sisti Gamboinha, sima aliaz foi  ventiladu li na Onda Kriolu ki  pergunta  veriador di kultura  si ka era midjor muda atuason  di MC Tranka Fulha  pa  sesta-fera ou sabado di noti  ( y non sinplismenti  iliminal  sima  sta parsi pamodi artista ka ta sensuradu )

Di kualker manera MC Tranka Fulha fla ma ê  fika indignadu ku es situason , el  ki di akordu  ku si palavras  tevi ki dexa di fazi txeu shows  na Europa  pa ê podi partisipa na Festival di Gamboa sima staba konbinadu. Fonte:ok