Caboverdiana konta si luta na tenta consigui vistu pa si mai...
"Ola pessoa di mundu interu! Nha nomi é Julia Nunes mas konxedu pa Julinha di Riketa ku Mariu.
É ku txeu tristeza e rivolta ki nsa pidi tudu mundu pa dan si opinion, kuzé ki sta passa dentu Kabu Verdi, ki oji pa mi nka ta fla nha tera, nhos disculpan mas angustia é tantu ki sa ta dan raiva mesmu..
Djan tem 25 anu kim imigra pa Portugal, recentimenti nsa ku 7 anu ta vivi na França ( Paris). Nta bem sempri visita nha Mai ku nha Pai na Cabo Verde, és tambe es ta viajaba sempri pamo nha Pai é reformado na TACV é tem kel facilidadi. Infilismente nha Pai ke Mário de TACV dja tem 1 mes ki mori li Cabo Verde, 30 de Março de 2019.
Djan tinha enviadu tudu documentus de França, dia 3 de Março ki dadu entrada na Centro Comum de Visto pa nha Pai ku nha Mai bai pidi Visto cu intenson di nha Pai (Mario) bai fazi tratamentu na França acompanhadu di nha Mai (Henriqueta mas infilismente nha pai caba pa mori dia 30 de Março de 2019, i mi ntxiga CV dia 31 de Março de 2019.
Dia 2 de Abril min diriji pa Centro Comum de Visto es flam ma visto foi recusadu man nten 15 dia pan apresenta um termu di responsabilidadi de um alguem li na CV ki tem condiçons ta fla me ta responsabiliza pa saida e regressu nes casu nha Mai (Henriqueta). Tudu bem, nranja pessoa ki dan termo ku assinatura i carimbo ku si copia de BI, extrato bancario tudu documentu ki pididu.
Nbai intregas es flam pam spera resposta mas 15 dia uteis. Passandu 20 dia nbai sabi de resposta es flam ma ca foi aceite, Mi nperguntas pamodi??????
kuzé ki sta mal, ou kuze ki sa falta pes flam. Revoltada nflas ma nkre fala ku chefe (a) ou pessoa ki ta podi dan um xplicason. es flam ma ka é possivel mas sim só si for atraves de email.
Min skrebi carta email, passadu 15 dia nem 1 resposta ntorna bai Centro Comum de Visto, n txiga la npergunta um funcionariu… é bai dentu, passadu 3 minotu é volta é flam: - “Carta de Sinhora ca foi aceite”. Ntorna pergunta pamodi, mas resposta zero.
Mi n flas ma ndexa nha fidju na França menor de 11 anu di idadi, ntevi ki pidi na nha trabadju mas 3 semana sem vencimentu pam podi spera resposta positivu di vistu pa nha Mai ki nes momentu sta viuva e sozinha na Cabo Verde, é precisa de alguns consulta, ami djan aprezentas tudu papel necesariu kez ta pidi simplismenti es teni maldadi, crueldade, e frieza dentu Cabo Verde. Documentu dja sta ku 2 meses e 10 dias la dentu Centro Comum de Visto.
Nhos flam ami Julinha cantu anu cu Nacionalidade Portugues, cu condiçons de recebi nha Mai, pamo França si bu ka ten condiçons de recebi alguem na bu casa es ca ta dau papel po manda, Nha Mai continua ku si facilidade de TACV pa viaja dje viaja mas di 10x inclusivi n ntrega copia di tudu kez passaportes e vistu anteriores de nha Mai.
Ami nkre so um explicason, nhos djudan pamodi nha Mai tem 84 anu di idade dipos morti di nha Pai é sta poku fregilizada undi nes momentu nkre lebal cu mi pe bai fazi uns consultas e pé discansa cabeça uns dias. Por favor nhos flam kuze ki n podi fazi, pamodi nha Mai sta sozinha sen ninguem pa cuida dela ke ka mi.
Obrigada, Julinha"
COMMENTS