"Si ê pa djudan, ê pa djudan gosi ki Nsta ku bida" - Antigo jogador...

Silvino bisti kantu bes kamizola di Cabo Verde na anos 80

Sima ta dadu artistas di muzika
ANTIGOS “ARTISTAS DI BOLA” KI STA PASA NESISIDADI TAMBÉ KA MERESI UN PENSON DI STADU ?
Odja kazu di Silvino, pur izenplu, ki ta mora na Txada Grandi Tras, na Praia.

Silvino bisti kantu bes kamizola di Cabo Verde na anos 80 nun altura ki jugadoris ka ta ganhaba nada ku seleson nasional a-non ser alegria y orgulho di reprezenta nason (Ka tinha kanpu relvadu, ka tinha estájio na Portugal nen ka tinha prémio di jogo )
Silvino era un atakanti rápidu y oportunu y na “peladinha” di Várzea ê marka golos pa Travadores, pa Boavista, pa Sporting y pa Vitória, ekipas ki ê reprezenta alen di seleson nasional.

Sima txeu otus kraki ki ja jugaba so pur amor a futebol , Silvino ka ganha nada ku jogu di bola , a non ser un lezon na juelho ki kada bes + sta difikulta si movimentu (anda ê di muleta sima bu sta odja na foto y oji ku ku si 65 anu ê ki sta xinti na peli kel disgasti di futebol)

kARTA PA MINISTRU ..
Ê pa kazu di Silvino ka ben ser sima di alguns antigos jugadoris ki kai na disgrasa moda Cadino, Djack, Djô de Pedra de Lume ou Rubom Chiqueiro, ê pa kazu di Silvino ka fika si ki un grupo di antigos jugadores di seleson nasional skrebi un karta pa Ministro di Disporto ta pidi un penson di stadu pa kes atletas sima Silvino ki distingi na sirbi Cabo Verde y ki oji sta pasa nesesidadi , sima ten un penson di stadu pa sertus kantoris y muzikos na fin di karera ( ultimos ki foi kontenpladu ê Titina, Armando Tito y Celina Pereira ki desdi Febreru ta resebi tudu un penson “vitalicio” di 75 kontu) .

Pa asinantis di es karta atribuison di un penson a es antigos futebolistas ki sta pasa nesisidadi ê non so un kiston di rekonhesimentu di ses kontributo ki es da na difendi kamizola/bandera di Cabo Verde , mas ê tambe un kiston di dignidadi... Sivino di si ladu ta fla ma ê ka kre un rekonsesimentu “póstumo” dipos di mortu ( Si ê pa djudal ê pa djudal gosi ki ê sta ku bida)
Pois é. fonte:ok