USA: Kriola na luta kontra cancer di mama na Merka

Vina ê mai di un minininha di 5 anu y di un rapazinhu di 16

LET’S SHOW SOME LOVE...
Vina Tavares, 37 anu d’idadi, natural di Cabo Verde y rezidenti na Brockton desdi mininu atxadu ku cancer di mama na fazi 2 na pasadu dia 10 di Dezembro komu rezultadu di un mamograma ... Pa Vina, sentru na foto, pa Vina foi pior dia di si vida... Duensa mudal si vida y a-partir di enton ten sidu un luta konstanti .

Vina, ki ê mai di 2 fidju, ka sta el so na es luta... Ê ta konta ku apoio di familia , di amigos y di kolegas di trabadju ki forma un grupo di apoio (Vina’s Breastie Besties) pa bai partisipa nun marxa ki ta fazedu tud’anu na primiri dia dimingu di mes di Maio na sidadi di Brockton pa sensibiliza y angaria fundu pa lokalmenti konbati kanser.

Apoiantes di Vina fla ma es ta sta la, fazi sol ou fazi txuba, y es ta konbida tudu kriolu di Brockton pa bai da kel apoio non so a Vina mas tambe a tudu kes otus gererus ku gereras ki sta luta kontra es duensa runhu. Marxa ta kumesa na Liceu di Brockton (Brockton High School ) y ta termina na Greene Cancer Center, na Signature Healthcare Brockton Hospital.

LUTA DI DIA-A-DIA...
Luta kontra cancer ê un luta ki ka ta da trégua ( E tud’hora tudu dia)
Vina ta trabadjaba na Liceu di Brockton mas ê suspendi trabadju pamodi kimioterapia debilital fizikamenti ( vomitu ku kansasu, pa alen di keda di kabelu).

Kimioterapia dja termina mas na dia 14 di Maio ê teni markadu un operason pa removi tumor y dipos ta kumesa prusesu di radiason.

Vina ê mai di un minininha di 5 anu y di un rapazinhu di 16 ...
Ê pa es també ki Vina sta luta. fonte:ok