Kel mina kin kre

El era cheio farompa mas nsabia dal volta cabeça.

kel mina kin kre

É ta binha de lá de fundo cutelo ku cocha rodondo cima francedja, si odju ta brilhaba cima diamante.

É ta carregaba um bolsa plastico de 20 escudo cheio de mandioca ku batata doce mas de dóci é ka tinha nada.

nhaguenti forte menina ramantxada!
se ncombersa kol, é txomam de trevido, si ndexal na si canto é txomam de lakariom.

É kria nha peto pe descansa mas é tinha medo nha mó ta correl na rosto. Nu ta staba djunto é ta descansa na mi cima minino mimado, nu ta afasta pa um segundo é ta tratam cima kusa ke ka conchem.

kuse k nhos kre pam faze si nkrel? nkrel ti k ta due. El é dona nha sodade, si peto ta imbalam e é ta trazem sonhos mas sabi k algum bez ntevi.
Na si odjo tinha tranquilidade, tinha paz...

El era cheio farompa mas nsabia dal volta cabeça. Bem la no fundo nsabia ma si coraçom skodjem.

kel preta li é la de ponta gato, era menina de odjo de tudo matxicado mas so mi k era sorteado. So mi k si coraçom ta riba pa el mas també so mi k ta frontaba ku si desafóru.

pam dal kel um beju txápu, é tem k tricidjam, maltratam ti k é percebe man krel de verdade.

pam dal kel um abraço, é tem k injuriam ti k é odja man ka sta aguenta...
forte menina complicada!
kel ke tem de complicada, é tem de sabi e de dochi. Kela k ta animam.

nha preta pode ser braba mas si coraçom é kanto nha sodade.

Dicla Gonçalves