USA: Joven kondenadu a 12 Anu di Kadeia pur morti di otu joven di origen kabo-verdiano

Dipos di un julgamentu na Merka ki dura 22 semana y meiu

Anildo Lopes Correia Kondenadu a 10/12 Anu Di Kadeia Pur Morti Di Ywron Martins...

Un péna ki ka agrada nen prokuradoria nen familia di vítima ki sta pidiba un pena di pelu menus 20 anu di kadeia pa es joven kriolu akuzadu di ter asasinadu a fakada un otu joven di origen kabo-verdiano ( Ywron Martins, 18 anu) na dia 22 di Abril di 2015 nun parki desportivu na Brockton.

Anildo Lopes Correia foi primeru akuzadu di asasinatu ki podia daba el prizon perpétua mas na fin jury leba en konta sirkunstánsias atenuantes y kondenal pur krimi di “homicidio doloso” ( voluntary manslaughter, na inglês) ki na Merka ta prevé un pena ki ta bai ti 20 anu.

Es segunda-fera un juiz di Tribunal Superior di Brockon setensia Anildo a un pena di 10 a12 anu di kadeia y ê manda “kredita” tudu kes 1.051 dias ki Anildo dja ê pasa na kadeia desdi ki ê foi prezu na dia 26 di Abril di 2015 . Antis di leitura di sentensa es joven kriolu ki gosi teni 22 anu fla ma ê ka ten diskulpa pa kuza ki ê fazi y ma ê ta responsabiliza totalmenti pa si atu , embora senpri ê difendi ma si intenson ka era di mata ningén ( di akordu ku si advogadu foi legitima diféza) .

Anildo mataba Ywron Martins ku txeu fakadas na rostu y na kosta, nun luta di grupu ki dexaba + 2 otu jovens feridu y ki tanbe dexaba komunidadi kabu-verdianu di Brockton revoltadu . Pa salva Anildo di un péna + pizadu juiz leba en konta “kalor di luta”, pruvokason y algun legítima difeza enbora ku uzu disproporsional di forsa. fonte:ok