Criança di 3 anu ki sufreba kemadura gravi na Brava dja sta na Merca pa operason

Unidu nu ta konsigi

MIMINU DI 3 ANU KI SOFREBA  KEMADURA GRAVI NA BRAVA DJA STA NA MERKA PA  OPERASON
Ê  txiga Merka nes mes di Agosto djuntu ku si mai  Andreia  ki  sima bu sta lenbra lansaba  un un apelo  anu pasadu na redi sosial ta pidi djuda pa si fidju  Jamilson Delgado  ki sofreba   kemadura gravi ku agu kenti di panela   na Agosto di 2018 y ki di akordu ku boletin médiku sta mesteba  sirurjia  ki ka ta fazedu na CV ( pa alen di sikatris na rostu Jamilson  kontinua  ta xinti  txeu dor  pa alen di sangra pa nariz kuza ki ka ta kontiseba antis )
Pois é..

Ku apoio di grupos di imigrantis organizadu na Merka, partikularmenti di Project Health CV  y di Fundason José Andrade, ku apoio   prinsipalmenti di imigrantis bravensi Jamilson  finalmenti  dja podi kumesa tratamentu na Merka  ....Ernestina di  Project Healt CV ki bai buskás na aeroporto di  Boston djuntu ku José Andrade  ta fla ma pasu mas inportanti dja sta dadu, mas ê ta pidi  kontribuison di kumunidadi pamodi hospital di Boston so ta kubri dispeza di tratamentu .

Kenha ki kré da si kontributu  pa djuda Jamilson ku si mai pur favor telefona pa  (401)  383 7504 ou através di email  projecthealthcvinc@Gmail.com
Web : https://www.projecthealthcv.com/