Italiana dona di un Residencial na Cabo Verde atxadu morta...

Marilena senpri ta flaba ma ê bai djobi paz di spritu na Boavista, mas infelismenti ê atxa morti...

É bai  Cabo Verde pa rekumesa un nova vida
ITALIANA  DONA   DI UN  REZIDENSIAL  NA BOAVISTA  ATXADU MORTA DENTU DI UN REZERVATORIO  D’AGU

Si nomi ê Marilena y el era gerenti  di rizidensial  “A Paz”, na Sal  Rei, undi ê atxadu sen vida nes parmanhan di kuarta-fera dentu di un rezervatorio di agu...

Tudu ta indika ma ê foi asasinada y polisia dja identifika y prendi un suspeito ( un italianu di nomi Gianfranco) ki di akordu   ku informasons non ofisial agridi es mudjer ti morri y dipos fulhal na fundu di es rezervatório d’agu. 

Gianfranco dja ten uns 10 anu ta vivi na Boavista y el ê un konxedu pratikanti  y instrutor di kick-box . Ê ta moraba nes penson y ta diskonfiadu ma prublemas relasionadu ku divida di aluguer di kuartu podi sta na origen di es krimi.  Ki diskubri korpu sen vida di Marilena foi vizinhos ki dipos di obi gritos di noti nes rizidensial es bai averigua di parmanhan.

Ê KREBA REKUMESABA SI VIDA KU 50 ANU ...
Y ê pur isu ki e Italia pa Cabo Verde undi ê fixa rezidensia dja ten alguns anu .
Marilena Corró,  di 52 anu, tinha un vida estavel na sidadi di Treviso, na norti di Italia, mas dipos di morti di si maridu y kunpanheru di 17 anu ê disidi enton bai toma konta di negosio di si pai na Sal Rei ( Si pai Luciano txiga Boavista dja ten uns 18 anos  undi e abri penson “A PAZ “ , oji ku kapasidadi pa uns 25 kama )

Marilena senpri ta flaba ma ê bai djobi paz di spritu na Boavista, mas ifelismenti ê atxa morti... Ê dexa 2 fidju  ( Filippo di 21 anu y Marhgerita di 17 ) y txeu prujetus pa termina, sima pur izenplu  “Prujetu Raissa “, um kanpanha ki ê lansa  pa djuda un  kriansa di Cabo Verde ki ten un raru duensa muskular.  Komu eskritora ê dexa 2 livros pa termina y ideia di skrebi artigos pa jornal undi ê kreba mostra tudu si amor y paixon pa Ilhas das Dunas ki ê ta flaba ma resebel di brasu abertu.
Riposa in Pace, Marilena ! Fonte:ok