bo é nha sonho encantadu, bo é musica más sabi pa nha obido.
Madrugada tem bu txeru
Bento de madrugada, trazem txeru de bo na fucu fucul de boca noti..
um presença forte, ku um calor kenti, lembram de poucos passos k nu dá djunto.
Kes passinhos curtos k ta kria lembranças profundus e fortes dento mi.
Nchinte bu falta.
Dexam flau ma pa li tudo sta tranquilo mas sodade ta insiste na perguntam pa bo de dia ku noti cima kusa ke tram pa pragadu.
Pa primero bez nsa chinte man sta anda, ciente ma tem um padaz de mi pa tras. pode ate parceu me falta kusa fla kin teni mas verdade é k na nha cutelo so bo ke nha Nhánha, na nha pensamento so bo k é assunto e na nha ceu so bo ke strela...
nsabi ma mi é um padaz d'homi noar ta anda por aí cima kusa kin salta santxu, kin facedu malfetu ou kin desinterradu bico...
Bo era consolu, nha arlento, nha paz e nha padaz k sta longi mi .
nta norostia tudo bez kin ta passa trás de casa nha Candinha. Chintidu ta dam ma mundo ta raboita, catxol ta buá padre e bo bu ta caím na nha peto, bu ta parcem nha diante pam lebu dos prôza, pam ratxabu um beju.
si sorti boita pa nha lado, k bu caim na nha braço, miná...
nta cantabu ná mininu ná ti k bu dorme, nta spertau ku nha dedo trancadu na bu cabelo, nta pou braça luá na aitura e chuta sol de orienti táki txiga ocidente...
bo é nha sonho encantadu, bo é musica más sabi pa nha obido.
menina bo na nha petu é cima k ceu futi futi bem caim riba ragaz,
é cima dá trindóki ku strela,
é cima brinca sukundida ku lua...
bo na nha bera, ka era um sonho. Era um realidade sunhado.
bu tinha mi, mi ntinha bo e hoji nsabi ma sempre nu tinha tudo.
Dicla Gonçalves
Bento de madrugada, trazem txeru de bo na fucu fucul de boca noti..
um presença forte, ku um calor kenti, lembram de poucos passos k nu dá djunto.
Kes passinhos curtos k ta kria lembranças profundus e fortes dento mi.
Nchinte bu falta.
Dexam flau ma pa li tudo sta tranquilo mas sodade ta insiste na perguntam pa bo de dia ku noti cima kusa ke tram pa pragadu.
Pa primero bez nsa chinte man sta anda, ciente ma tem um padaz de mi pa tras. pode ate parceu me falta kusa fla kin teni mas verdade é k na nha cutelo so bo ke nha Nhánha, na nha pensamento so bo k é assunto e na nha ceu so bo ke strela...
nsabi ma mi é um padaz d'homi noar ta anda por aí cima kusa kin salta santxu, kin facedu malfetu ou kin desinterradu bico...
Bo era consolu, nha arlento, nha paz e nha padaz k sta longi mi .
nta norostia tudo bez kin ta passa trás de casa nha Candinha. Chintidu ta dam ma mundo ta raboita, catxol ta buá padre e bo bu ta caím na nha peto, bu ta parcem nha diante pam lebu dos prôza, pam ratxabu um beju.
si sorti boita pa nha lado, k bu caim na nha braço, miná...
nta cantabu ná mininu ná ti k bu dorme, nta spertau ku nha dedo trancadu na bu cabelo, nta pou braça luá na aitura e chuta sol de orienti táki txiga ocidente...
bo é nha sonho encantadu, bo é musica más sabi pa nha obido.
menina bo na nha petu é cima k ceu futi futi bem caim riba ragaz,
é cima dá trindóki ku strela,
é cima brinca sukundida ku lua...
bo na nha bera, ka era um sonho. Era um realidade sunhado.
bu tinha mi, mi ntinha bo e hoji nsabi ma sempre nu tinha tudo.
Dicla Gonçalves
COMMENTS