Dezabafu di um caboverdiana...
"Existe munte mudjer ta coba keloto ta fla ma mudjer ki ta aceita ser segunda opsom ma ka tem amor próprio e munti blá blá blá... Mas nsta li pam fla ma txeu bes é contrario ki ta contice, pamodi ami djam teve marido ki nu mora 9 anos djunto e nu tem 2 fidjo, ael sempre e traim e sempre kim da conta nu ta briga mas dipos nu ta fika fixi dnovo pamodi e ta inganam ku boca sabi... Só ki dês bes nu dana pamodi e ranja ku um menina mas keli foi deferente, e ta saiba kol tudu lugar mas tudu lugar mesmo, desdi festas, restaurantes, mar, passeio e tudu fim de semana ku kel menina ta passea na nha carro, ndescubri nsabi menina e kenha undi ké ta studa nbai ti txiga pam fala kol, minina jovem, bunita nflaba ma nta ratxaba el 2 bafatada mas kanto ntxiga na kel menina el e tao educada e meiga ki nem coragem de toca na el ka dam, e fla ma mos djes tem 1 ano djunto mas ma mos nunca mostral me tem mudjer, de lá e fla me ta dana kol...
Ami nka fla mos nada, ndexa passa pamodi nkria preservaba nos lar... passando txeu tempos nbem descobri padrão de se movel hm atxa mensagem ké ta trocaba ku menina, minis nxinta ntxora, pamodi pa kusas kim fika ta le n odja claro ma el era dodo na kel minina lá... Minina ta dana kol pamodi me tem mudjer e ta corri traz de minina sima criança, na mensagem hm odja ma e gostaba del de verdade, hm odja troca de carinho, amor e mutu mais... La goh ndescubre ma mi ki era segunda, alias nem nka sabi nen mi era ki numero. És tinha mesmu ciclos de amizade, se midjor amigo era uma amigo de kel minina e midjor amiga de minina era se amiga...
És ta passeaba de pares as vestes ki nunca e fazi ku mi, é ka tem um fotu de nos na facebook nem de nos fidjo, ami nta publicaba um fotu de nos nem se ker pé da like... Na mensagem kim lê e fla minina ma se ka tinha mi na se vida ma kel menina ki ta serva se numero um e ma se podia me ta fazeba tudu deferente e nunca minina ka cobral nada pe dana ku mi e fla me sta kol pamodi me gosta del de Verdade... Hm odja claro ma amor sta lá , carinho de verdade, tudu kel ké ka tinha ku mi staba lá.
Nfla si será ké kel minina li ké segunda, será ké el ki ka tem amor próprio?? Mi simplesmente ntinha nome de mudjer mas ké ta amaba na era mi, ku mi e tinha sustentabilidade pamodi nu devide casa, despesa era de nos 2 ntinha 2 carro el ta staba na um NTA staba na keloto pamodi sempre NTA ganhaba mas ki el. Ou seja, e staba ku mi pamodi interesse e nos fidjo, e não pmd amor .
Ami nunca mas nka ta julga num mudjer pam txoma de "outra" pmd txeu bes kel "outra" sta dado triplo de kel ki nu na sta dado e nos nu sta lá tudu tola ta atxa ma nos ké patroa enquanto "outra" SA fazedo feliz, nos ke primeiro nu sta atxa ma outra ki SA tomau marido enquanto marido ki SA corri se traz sima dodo.
Agoh nta pergunta pake ki nu sta manti mural na um relsom so pmd nos e primeira e nu sta dento casa?? Ki ta conta e kel ki ta dado mas amor e não kel ki bem 1 ou 2 Como mi nka sta dado mas amor nresolvi sai fora e desempatal se vida... Hoje Dja nu tem 1 ano kuase 2 separado... El ku minina djes teni 4 ano djunto e hm sabi ma és SA casa. Ami kol durante 9anos nunca e tocam na casamento, mas nka culpal, nem nka fica ku raiva del pmd td alguém merci casa e ser feliz ku lenha ké ta ama... Ael e ta ama oto alguém ntom nrespeital.
Nos fidjo sempre e ta djobi e é ta das de tudu... NTA spera mes ta ser feliz ki mi tmb nsta busca ser... ka nu julga mudjer antis de nu conxi verdeira historia, antis de nu atxa me nos ké patroa pmd as vezes nu ta fica ku rosto na burgonha"
COMMENTS