"Nkre pa nhos mostra mundo kem è es mudjer"

hoje bu tenem triste dimas

 Michael Gonçalves manda es mensagem ta dezabafa...

"Ola boa noite dexam sabi
Nkre pa nhos fazem um favor
Nhos publicam es sentimento triste kim sa xinte de nha bisavo ki morre la Cabo verde, pa mundo sabi kenha ki kel mudjer li foi e è pa mi e pa mundo.
Ami nsa li Portugal el na Cabo Verde nem ka pode bai despide de kel grande mudjer li Bia de Mulato la de Portete Riba.

Nkre pa nhos mostra mundo kem è es mudjer li BIA D'MULATO Ki parte pa otu mundo ... kel mudjer ki mas nta ama nes vida BA dimeu." Bia D' Mulato ..ah Ba dimeu , kel mudjer ki criano nos ke familia e cria kenha tambem ke ka familia, nka conxi num mudjer sima bo nes mundo inda e kim ta ama mas ki bo. Bo foi nha inspiração e hoje nsa li pamode bo, pamode bu fe pamode bus palavras poderosas. nka espera mo sa ta partiba inda. Kuze ki kel mudjer li ta significa è txeu dimas , Bia de mulato portete riba Sao Francisco, Bia de Mundo , bo era nha basofaria, bo era nha preocupação. Bo ke nha bisbona bo ke nha mãe .. nta lembra tudo hora bu ta txomam. Nos casa sem bo ka tem sentido. Bu sufri txeu ku bu dor ki ta daba mi pena hora ku ta txoraba e hoje dja bu sa xinte nada.

Kanto nta bem bu flam "nha fidju ami bu ka ta atxam" nka ta atxa me Bà dimeu. Bu doenci ntxomau bu flam "nha fidjo ami nsa ta morri " mas nka acredita , mas bu dexam bem pa bu bai pa otu mundo , mi longe bo nka pode fazi nada nada... sima nta brincaba ku bo pou ri po eskeci um bocado de bu dor mas hoje nka djo dexam sem vontade, hoje bu tenem triste dimas... nsabi ma nos tudo nu ta mori mas na bo nka sa esperaba inda. Bu cria fidjo neto bisneto e trisneto . bo ke significado de mudjer caboverdiana , mudjer ki luta pa familia e pa mundo. BIA D'MULATO BO È MUDJER MAS LUTADERA E BATALHADORA KIM DJAM CONXI. NTEM CERTEZA MA DEUS TA DAU UM ETERNO DESCANSO E KI LA UMDI BU STA BU SA ODJA PA MI E PA NOS TUDO  FAMILIA... NKRE PA MUNDO SABI MA NTA AMAU PA SEMPRE E QUE UM DIA NU TA REENCONTRA.. NTA AMOU NHA BISAVO . BIA D'MULATO BIA DE MUNDO."