"Óh Deus nhu trazem nha irmom di volta" - dezabafu di irmon di policia...

Hoje um mês sen bo

Haylton irmon di Hamilton faze es dezabafa na rede social....

 "Hoje um mês sen bo. Um mês kes txoman d madrugada ma djes dau tiro, nbai hospital k Jesus na boca, ta reza pa ka ser verdade e pan atxau dreto. Nha desespero foi kanto n'odjau frio riba dum maca, tudo imbrudjado na lançol branco. N'txomau, n'gritau ma bu ka kudim. Ah nha mano, nunka nxintiba um desespero tão grande. Td bes ki nbai visita bu coba, horas kin odja kel bu foto la di pé k braço cruzado, ta parci firme nta recusa acredita ma bu sta baxo txon. Keli e algo ki ta custan acredita e aceita. Inda nsta spera pa bu txoman, lembra kz k bu flan "nha mana, speran si nta txomau já..." inda nsta sperau!

Nka sabi ki coragi kes tem di tenta camufla td d sujo ki sta passa dento d PN, mesmo à custa di nos sofrimento! Tinha ki ser logo bô? Bu da bu vida pa um instituição PODRE, e es ka tem nem decência di honra bu sacrifício, ta benificias mas sucundi td sujera pa baxu tapeti. Ma nten fé na Homi la di riba me ta fazeu bu justiça, bu foi homi justo e bu tenta djuda sempre, mesmo pessoas ki bu ka konxi.

Ah, nha mano! Forti nten dor, forti nten sodadi bo, sodadi obiu ta txoman "nha mana" ta coçan cabeça so pmd bu sabi mam ka ta kre. Nka sta podi aguenta, lágrimas ta cai sem nxinti, nha odjo gossi e so modjado. Ti ki dia nta torna odjau, torna obiu ta brinca ku mi? Keli e dor dimás, parcen ma keli nka podi kol!

Padás di Mi, undi bu sta, undi nta atchou, nteni dor, dor más é tanta dor ki nsabi ma nem ku morti ka ta pássa e nem ka ta caba.

Óh Deus nhu trazem nha irmom di volta."